好幻的科幻作者,較多以天文及神秘學融入小說,希望多多觀摩交流 matters 專頁—真科幻
用個科幻腦黎抗疫&準備促進經濟復甦(十二)共同富裕大環境下嘅香港樓市改革可以兩全其美嗎?(中集)
用個科幻腦黎抗疫&準備促進經濟復甦(十二)共同富裕大環境下嘅香港樓市改革可以兩全其美嗎?(中集)
叫 D 宗地主人捐啦⋯
阿老牌基建大老板話捐晒七八平方公里都冇乜用喎,不如填海啦⋯
嘩!嗰班環保朋友仔又出黎話白豚仔死得啦⋯
其實,捐地呀⋯填海呀⋯呢 D 已經太多太多人講啦,即係呢幾方面,已經有好多專家們正在研究,唔理得又好,唔得都好,市面上大把呢 D 方面嘅意見,總會有 D 結論嘅,所以有聊得很就唔想喺呢 D 方面加入啦,由得嗰 D 專家慢慢傾啦!
有聊得很唔想加入嗰 D plan A ,plan B,plan C⋯討論⋯
咁⋯想講乜呢?
plan K 啦!
plan Q 都得架!
加埋不如叫 plan QK 啦😹
咁⋯ 乜嘢係 plan QK 呢?
叫得 plan QK ,至少有兩個,大家諗下有冇新意,新意仲係事小,可唔可以保住經濟平穩咁軟著陸又能夠完成頂頭大大交帶落嘅目標先至事大。
好啦。先重溫一下頂頭大大交帶落乜嘢目標先⋯
聽講話(有聊得很真係聽講架咋,冇資格收實在信息架播)⋯
房住不炒!
五年改善甚至取替劏房問題!
好似同樓市最有關嘅係呢兩句。
唉!有時真係覺得 D 人做嘢效率麻麻地。
乜嘢收晒七八平方公里都唔得,慢慢填海就會好⋯
乜嘢二零三 X 年就會填好海,跟著就有樓架啦⋯
唉!我咁蠢都覺得同上面大大講嗰兩句格格不入啦⋯有聊得很真係為你哋擔心!
你哋呢幾句有冇解決「房住不炒」!?!
你哋呢幾句有冇解決「五年改善劏房問題」?係五年喎!並唔係十五年!
好啦,講到呢庶,又有人以為有聊得很係「深藍」啦⋯
唉!有聊得很講過,有聊得很係幾時都想著解決事情嘅人,心裏頭並冇黃藍之分,試下睇埋落去係唔係咁⋯
「房住不炒」⋯
好明顯叫你地唔好炒樓,要保障基層市民嘅住屋利益,就算好窮都好,都要有最基本嘅住屋福利,對嗎?
咁,而家香港樓市又有乜唔理想呢?
樓市階梯嘅基層部分腐爛了!!!
越基層嘅喺樓嘅支出比例越大!咁樣佢地點能夠喺樓市階梯一級一級爬上去呢!?!更唔好講共同富裕了!
「房住不炒」可以實現,不難,難就難在要同時減少對經濟嘅影響,在「房住不炒」嘅情況下同時經濟軟著陸!
點先可以呢?
好多思維非黑即白嘅人,會以為「房住不炒」同經濟軟著陸高度背馳!
事實係唔係呢?
No!
試下拋開非黑即白嘅思維,你就會發覺答案係 No!
「房住不炒」好明顯想保障基層市民嘅住屋福利。咁同高階中產同富豪階層就冇直接關係。
將樓市界開兩個階層相信可以兩全其美!
(當然,實際操作要嗰班幾百萬年薪嗰 D 人兄坐埋慢慢傾啦)有聊得很係閒到唔閒嘅人,所以只係初步提個概念。
例如:
八百萬以上嘅樓算入全業權自由級,管制比較少好多(甚至附加稅費都少 D ),由得佢炒對基層影響都比較少(如果覺得八百萬唔夠高,可以揀一千萬以上如此類推),而同時又能夠 keep 住經濟活躍度(例如交易稅收)。
八百萬以下嘅樓將政策拉向居屋,例如keep 住 D 咩招稅呀。再唔啱考慮一下限制每年升幅呀,限制租金升幅呀,甚至學人地咁加 D 營業稅(當然最好免去自住嘅第一層樓啦),由家庭名下第二層開始收,持有年期越長出售時税率越少,情況如果再緊張 D ,甚至可以考慮家庭名下唔准(或者要申請)買第二層八百萬以下嘅樓。要炒,咪去炒貴嗰 D樓囉,去高階市場拼死拼活,咪黎基層搶飯食!簡單 D 講,就係要令到基層嘅樓「房住唔炒」而又唔影響高價樓嘅經濟市場發展。
當然啦,如果覺得價錢上規限唔夠,或者可以加上地區上嘅規限。例如山頂嘅、淺水灣嘅、九龍塘嘅、清水灣嘅⋯呢 D 同基層市民又有乜關係?炒到癲都唔影響基層市民啩!?!點解唔由得佢繼續為經濟發光發熱呢?(而且呢一點同有聊得很構思緊嘅海洋公園復興計劃二有密切關係,不過係另外一個故仔,遲 D 有緣先講啦)
另外,「五年改善甚至取替劏房問題」,由於有聊得很眼累了⋯遲幾日下集再講啦😹
作者:有聊得很(manbolo88)
喜欢我的文章吗?
别忘了给点支持与赞赏,让我知道创作的路上有你陪伴。
发布评论…