有D野雖然明白.. 但自己內心都有D唔知點咁...

有D野雖然明白.. 但自己內心都有D唔知點咁.... 我屋企人其實已經絕少理我依邊的事，基本上，好多野都需自己打理，依樣野係定的了。可能近排疫情關係，我在意少少，因為我們仲有whsapp gp ge. 就有D戚戚然感覺，希望快D離去吧... 因為唔係咁想被情感牽引著自己。如果係良性的感情就話啫~

有時見D報道都幾偏頗，好似父母一定會錫自己個女而唔會比外人，我想話唔係咯~ 有好多家長唔重視親情，金錢至上。講個例子，比如我家人就係喇~ 我結婚剩係識得問我&先生攞錢，但冇尊重過我(我估從來都冇尊重過我)。同他們brief細節野的時候，他們係大罵你兼出到口話冇你依個女etc. 他們係覺得生女就係攞錢，唔洗付出，到拎咗錢，就比個仔。講真，既然我冇得益，我出咗錢仲要比他們罵，我就唔諗著比家用。老實講，係我太遲醒，而個D自以為自己concept好合理個D，係他們好彩，有家緣，又或者，他們未醒。始終父母有偏心邊個子女，只是一直唔開口講。華人社會就係咁，他們唔會承認。

所以，成件事個外人有冇用計呢? 咁當然有。於她而言，她真係有付出，講真，好多時付出都未必有收獲架~ 她算好好彩。呃唔呃都好，個伯伯冇寫低轉業權的條件係照顧美華，亦冇親口同美華講。個爸爸真係錫美華咩? 唔見得。同一屋簷下，21日內都冇提出過咁重要的事? D人覺得她付出少少就獲得層樓唔應該，但幾時OR邊個界定某人付出的價值? 其實我們買保險，意外保險etc, 都係高杠桿的付出。咁當你真係claim的時候，你又唔覺得自己有問題，呃保險? 個伯伯，唔見得係好多人願意悉心照顧他，令到他開心。依D野係無價的，好多有錢佬，他們花千萬，目的都係買開心。只要那個付錢的人係依一刻覺得值，就係值。

成件事最差的係她的人品。人品才是人神共憤的一件事。而我亦都唾棄依種惺惺作假的女人。

而家所牽涉的lumsum愈來愈大了, 我自己一個人就真係應付唔到.. 好彩仲有我先生。但其實又怕萬一他出事呢? 好多意外的野突發處理的事跟本唔熟，冇人教過我要點去做, 身邊又冇個睇著我唔好行差踏錯的貴人.. 講真，真係，人生唔存活好過活.. 係香港騙人的超級多，味搏你唔識咯~ 香港係一個好差的城市，治安唔好，發生咗事你報警或者點，D機構都唔盡責為市民辦事。而且物價高，樓價高但質量差面積小。如果你話工作待遇，更加冇乜好公司，剝削員工，唔出糧等等。生活節奏快，D人西你臉，就算街道的環境都密密雜雜，條街都唔靚。香港處處都係危險，但係又冇發展機會。香港好落後，人品落後咗，基建都落後，醫療設施所有野都好落後，發揮唔到為民的價值。全部都係官有官玩，貪商有貪商玩。你話教育，又做唔掂。