One more time, One more chance

大部份人一聽到呢首歌 通常第一時間就會諗起[秒速五厘米]呢套戲 2者實在係perfect match 簡直就係一個"="嘅符號

但事實上呢首歌並唔係為咗呢套戲而創作 新海誠採用呢首歌作為主題曲 已經係呢首歌係發行十年之後嘅事 當我知道左呢個背景 就參透到一個人生哲理 就係 *有實力總會有成功既一日* 之類既tautology 即係套套邏輯 即係呀媽係女人

但首歌唔止咁 原來我地香港既暴龍哥-鄭中基Ronald 比起[秒速五厘米]早好多之前已經翻唱過廣東話版本 仲正式收錄過係CD 早2年演唱會都有唱過 講真連我自己在內 我估香港都無乜人知鄭中基原來靜靜雞翻唱過 第一次聽覺得勁有親切感可以跟住唱 好波呀暴龍哥

鄭中基Ronald One More Time - YouTube

個時間線係 山崎將義1993年創作 > 1997年發行 > 1999年鄭中基翻唱 > 2007年秒速五厘米採用

然後首歌不停咁比好多日本歌星翻唱 亦係收錄係CD果隻 幸田來未 甚至中心明菜 連翻唱神級人物Uru都有唱過 我都以為已經係去到邊個翻唱我都唔會覺得出奇嘅地步

直到2021年12月有一日 我喺度碌youtube搵歌聽嘅時候 竟然發現

中島美嘉 One more time, One more chance - YouTube

竟然連中島美嘉都岩岩翻唱左 OMFG 我嘅聽歌世界實在太完美喇 佢既係鋼琴演奏版本 好有SONY THE FIRST TAKE既feel 呢首歌咁多個翻唱版本 我最中意中島美嘉呢個 而且亦係好少有咁仲好聽過翻唱神人Uru

除左翻唱 一直以黎呢首歌仲有個都巿傳說 由於原唱山崎將義最初既版本 唱得實在太哀怨 有人就聯想首歌係山崎為左思念當時因為係阪神大地震中過身既女朋友而寫 傳到似曾曾咁 但睇返首歌既創作時間 呢個只係浪漫既誤會

山崎まさよし / One more time,One more chance - YouTube

山崎將義最初既版本 的確 係最有感覺 超越左語言 任何人都可以感受到個份哀愁