My little detour - 《眼淚止不住了》

琴晚瞓得好好， 但心情依然唔多好。 今日都keep住好忐忑， 希望快的上網睇下事態發展。 另外由於琴日去哲古華拉博物館時攞住個袋唔比入， 所以今朝諗住一早帶住個隨身袋入左去睇先， 反正唔使錢。去到有班小朋友唔知做緊咩學校活動， 唔理啦照入， 點知比個守衛截住， 原來佢話連袋仔都唔可以帶， 唔係掛， 即係錢同證件都無得跟身？ 諗下諗下已經到左個寄存鋪仔， 諗緊如果咁放野法個風險好似幾大喎， 但唔知點解自己又跟住去做， 寄存費1 cup, 佢比左個牌仔我， 而我將我身家性命財產比晒佢， 係咪玩大左？ 但嗰個人都幾好， 我比5cup佢找， 但佢無得找， 索性連1 cup都唔收。

之後我急急腳參觀， 佢問我嚟自邊到， 我答完香港後， 佢開咗左手邊嗰扇門比我， 應該係for外國人嘅。 咦， 入門幾黑下， 牆上有好多人像浮雕並寫有名字， 我估嗰的係烈士。 行左都無1分鐘就出返嚟， 係咪我睇得太hea, 無逐個名細味， 點解我好似無行過咁？ 之後行出嚟睇埋少少相咁， 成個館就行完了。 行完梗係去認領返的野， 安全無事， 我係真小人！

跟住返hostel呆坐左陣， 心情依然不安。 坐到11點幾終於出去， 行經一間屋又賣緊juice, 勁想飲， 點左一杯（3cup) 而佢揀左mango比我， 其實我想飲guava， 不過都一樣冰涼可口。 行行下又見到賣pizza, 等我又點返個pizza with ham先， er...雖然的ham真心有少少似嘔吐物， 但熱辣辣嘅野確實好好食。

之後去左琴日間餐廳買枝水， 本地檸檬汽水同件cake仔 （17.5cup + 12.5cup +6.95cup)。咦！ 比50cup比佢找返0.55cuc。大佬呀， 可唔可以比咩貨幣找返咩貨幣呀， 我計唔切呀)。 btw, 件蛋糕仔好甜同埋好濕。

之後去到個中央廣場上網， 係咁loop新聞facebook, 真係忍唔住係廣場喊出嚟， 點可以咁對手無寸鐵的人， 個細路隻眼點算， 究竟係咪痴左線， 點解用咁大武力， 又布袋彈， 又煙霧彈....

無咩心機， 坐左係廣場發呆幾個鐘後決定返hostel沖涼等時間過， 心傷到一個點， 連天空也真的下起雨。 坐坐坐坐到而家， 呢間hostel最好的地方係任我幾點check out, 我仲可以沖埋涼坐係到hea。 等到8點幾我終於行去搭車， 嘩， 條街要唔要黑成咁。 好彩maps me係呢的時間都算可靠， 15分鐘唔使就去到車站了。

我可以好肯定咁講， 係古巴搭車真係好太挑戰， 我去到巴士站， Viazul個巴士站關左門， 我個心離一離， 之後問到個類似車長， 佢話職員去左食飯， 會返嚟的。 我鬆左一口氣， 但依然好擔心。 跟住到左10:30， 我早少少去到viazul門口等開門， 大佬你真係要開呀， 唔係今晚瞓街了。 好彩之後有個女子同我一齊等， 雖然同佢雞同鴨講， 但佢好好話比我知佢都係去Holguin, 我口氣鬆多少少。 等到10:40終於開門喇， thanks god, 我終於買到飛了， 由Santa Clara去Holguin承惠26cuc。

買完飛個女子帶住我去luggage room過秤寄行李， 之後我話想去廁所， 佢仲叫我跟住佢唔好攞錢。嘩！邊有人咁好架！ 但廁所係矮門嗰隻， 生得高d 都望到隔離， 最慘仲要無得鎖嘅， omg! 快快脆脆去完， 原來連手都無得洗嘅， 個女子指住出面條水柱仔叫我去嗰到洗。 我地之後坐低等車到， 我請佢食叮噹包， 佢又請返我食早餐ham cheese bread, 同埋share 佢兩個女的相。 傾下傾下就有車， 丫， viazul個職員又幾盡責喎， 指埋我地上車, 但作為中途站先上車而又係overnight bus都幾慘， 無得坐窗口位之餘仲要坐係個有鼻鼾的伯伯隔離。

3cup mango juice

7cup pizza w ham

30.25 cup (cake仔+ limon 汽水+ 1.5 lit水）（比左50cup, 找左0.55cuc）

今日共用： 25.45cuc + 60cup