<<香港歷史>> 加國軍人在香港

每一次去掃我阿婆阿公墓嘅時候，都會被呢位羅景鎏嘅墓碑吸引住，因為佢上面寫住RCN Lieutenant - Commander，即係加拿大海軍少校。

翻查香港歷史檔案，遍尋所有官方文獻都搵唔到 William King Lowd 呢個人，點解一個如此重要嘅人物，會係香港歷史檔案上面消失？

羅景鎏為移居加拿大港人第二代，1909年生於卑詩省省會維多利亞市。當年加拿大實行種族隔籬政策，被歧視嘅William無因為咁而放棄自己，反而因為努力令佢係1927年獲得滿地可嘅McGill University 取錄，修讀工程學系。

1939年，羅景鎏成為加拿大歷史上第一位華人公務員，加入交通部成為電報員，為佢之後從軍生涯展開咗序幕。

1942年，加拿大對德宣戰，羅景鎏第一時間申請入伍，但礙於當時加拿大法律禁止華人從軍，羅被3次拒絕申請。

1943年加拿大修改法律，容許加國本土出生華人參軍，羅立即報名並獲得皇家海軍取錄，並於1943年6月完成基本訓練，成為加拿大歷史上第一位正式華裔軍人。

羅先後被派駐倫敦及斯里蘭卡進行竊聽任務，及後加入盟軍於斯里蘭卡樹林的秘密部隊，協助盟軍伏擊境內的日軍。

日軍投降時，羅正在美國太平洋第7艦隊上服役。太平洋艦隊的夏愨將軍為表揚及紀念英勇守衛香港的加拿大軍，特意安排羅景鎏在艦隊靠岸香港後，為第一位落船登岸的盟軍軍官，接受日軍投降。

羅於1948年退伍，並於6年後在牛津大學法律系畢業。

羅畢業後移居香港，並在香港一直執業至退休，2012年以103歲的高齡在香港辭世。

#香港歷史政府唔寫就我哋自己寫