<做人唔好ff太多之當我們學會愛之後>

Cha65

原本妳以為妳會用好長時間先忘記到老闆，原來皮皮已經不知不覺咁走咗入妳心入面，又或者佢一直都係妳心入面，遇上對的人係依種感覺，有了你即使平凡卻最重要，有了你即使沉睡了也在笑。

妳整好D嘢入房睇吓皮皮，佢訓咗，訓得好冧，咀角向上笑梗，病咗仲係到笑，妳摸吓佢額頭，已經冇咁熱，真愛嘅威力，妳望住依個男人，以後佢就係你生命中最重要嘅男人。

妳出返廳，拎返本日記出泥寫。

陳瑞輝，四年前，如果你同我表白，結果係唔係一樣都會好似而家咁happy ending?

四年前，如果你唔係因為媽咪病走咗去，我同江𤒹生唔會因為咁様同佢食飯開始熟，最後我唔會選擇同佢一齊。

但係人生就係咁，你唔試，永遠唔甘心，你唔試，永遠唔會死心，人生永遠就係咁樣兜兜轉轉。

我哋應該好慶幸大家經歷咗咁多野，先一齊，太早一齊，我未必識珍惜你，多謝你，陳瑞輝。你係我嘅幸福，江𤒹生係年少無知嘅執著，我問自己係咪真係好愛佢？定係唔甘心？大概係出自女人嘅執著，唔甘心，以為一直等，佢會為妳改變？唔好傻啦，我同自己講如果佢真愛一個人，自然會為佢而專一，佢唔係冇改變，只不過佢唔會淨係愛你一個女人，佢只會為你作出少少嘅改變，咁樣已經夠啦，代表佢唔夠愛你，只係佢自私，佢知道妳愛佢多過佢愛妳，妳會一直咁等佢，所以佢放縱，當有一日唔再執着就會明白呢個道理，我係遲咗不過起碼都覺悟，好過有啲女人等咗咁多年乜都冇，好好彩我仲有你，感激我遇見，陳瑞輝。

----

江𤒹生，如果命運真係可以揀，如果人生真係可以再重新嚟過你會點樣揀？如果當初你冇參加全民造星，係唔係都會好似以前一樣？

年少多好，頑劣多好，以前你同班friend 一切冇憂冇慮咁夾band,你笑下我，我笑下你，講下粗口又一日，得閒出下mk ，做吓mk 仔，9叫吓，成班喂喂喂咁busking ，果一段日子嘅你先係最真實嘅你。

年少多好，貧困多好，一蚊積蓄足以快樂到，廉價結他抒發我暴躁，以前你做dancer雖然收入唔多，冇名氣，出街亦唔會有人識邊個係江𤒹生，但係嗰陣時嘅你我係最中意，你得閒彈下結他唱吓歌俾我聽，開心彈結他唔開心彈結他，唔似入咗行咁樣乜嘢，都屈埋係個心入邊，你覺得咁樣真係好咩？財富得到，但係冇咗自己冇咗嗰種快樂，你成日同我講已經搵唔番以前果種快樂，冇咗初心，你又有冇嘗試搵返自己嘅初心返嚟？

不甘安於封建制度裡，迷信上街真理會達到

，旗幟高舉，群眾聲討，不惜犧牲一切去上訴，權貴的想法太俗套，全民造星二嘅你，係最charm ，你幫兄弟出頭嘅義氣，為咗兄弟而黑面嘅性格，覺得自己係啱嘅就永遠企硬同花姐去嘈，依個你又去咗邊？我而家淨係見到一個要出名嘅江𤒹生，為咗迎合觀眾去扮可愛嘅江𤒹生，一個連公仔都唔鍾意嘅人，咁樣好咩？你開心咩？

朋友多好，一番爭執不會有被告，遊戲競爭不會記入腦，mirror未紅個陣，你地拍mirror go會有嗌交，但係你喺入邊話男仔呢啲小拗撬嚟嘅啫好快冇事，後來mirror開始紅，為咗新人獎，兄弟不和，又係點解？係咪一有利益關係所以事都會變質？因為比較，妒忌，個日同我閙交個個Ak我突然覺得好陌生，你竟然會懷疑皮皮同我上過床，義氣行頭嘅人竟然會懷疑自己兄弟，依四年，到底我同一個咩人拍拖？

你成日同我講Edan 已經好耐冇同你傾偈跟過你車，你又有冇諗過點解？有人嘅地方就會有是非，何況你哋仲要係12個人，仲要係喺五光十色嘅娛樂圈入面，邊有可能冇是非，冇小圈子？如果有得俾你再揀你會點揀？你會選擇有初心嘅你，定係而家有名有利嘅你？

只可惜生活是一堆挫折，只可惜生命是必須妥協，或者我哋都大個啦，係時候要行返自己嘅路，你可以放心追求你嘅事業，而我亦都搵到自己安穩嘅幸福，呢一篇係我最後為你寫嘅日記，以後我嘅日記入面只有陳瑞輝依個名。

多謝你依四年帶比我好多開心唔開心嘅回憶，多謝你曾經出現過係我嘅人生入邊，江𤒹生。