《我不配

我不配2

老闆娘見AK沖完涼出嚟，好開心咁食住朱古力叫AK坐過嚟一切睇埋個套未睇哂嘅電影，今晚嘅AK同平時好唔同，好靜，靜到老闆娘都有啲唔知點，AK份人有啲大男人，又唔可以一野踢爆佢，唯有求其搵啲話題。

「好肚餓呀，有冇嘢食？」

AK好熟路咁入廚房搵下有咩食，雖然只係一齊左半年，AK都成日上嚟過夜，自己年紀唔細，都30歲仔，老闆娘細自己幾個月，難得搵到個好女仔，又夾，大家已經認定左大家，係時候好似ian同frankie咁定落嚟。

「你想食咩呀？雪櫃有碟剩左嘅意粉同雞翼，你自己開微波爐叮熱佢呀。」

「見唔見到呀？洗唔洗幫你？」老闆娘係個廳到嗌入去廚房。

「睇到啦！你唔洗理我！」

AK唔係好中意啲造作又要氹，又嗲嘅女仔，同老闆娘咁嘅相處方式最舒服，第一，自己冇耐性亦冇咁嘅時間去同一個要氹嘅女仔相處，第二，太细路女既女仔傾唔到計，亦都食唔住自己，意思係有時好似甩繩馬嬲咁，唔識得收返自己返嚟。

「我今日睇到有報導你個篇開擇偶條件嘅報導，乜咁坦白？」老闆娘係AK等叮熱食物嘅期間，繼續嗌入去廚房。

「講乜嘢話？聽唔到？個微波爐有啲嘈。」

「我係話你公開擇偶條件，要靚，同自認有D大男人咁坦白呀！」老闆娘嗌入去。

「有乜叮完出嚟先講，好嘈呀！」

「哦，好呀！」

幾分鐘後，AK拎住碟意粉出咗嚟，爬左啖，坐低係梳化，望一望老闆娘。

「你頭先話乜嘢話？」

「我話依篇報導呀！」

「邊有人自認大男人，仲有膚淺，笑死我。」老闆娘拎部手機出嚟開比AK睇，完全唔介意AK收埋自己。

「公司唔準我公開拍拖，咁做掩人耳目呀嘛，花姐話偶像派，公開拍拖，fans會流失，有幾好笑姐？」AK啜左一條意粉落肚，再望下食梗朱古力笑得好開心嘅老闆娘，幾攰都一掃而空。

「哈哈哈，你咁做，引死D妹妹仔fans，識睇梗係睇留言，個個爭住認嘈要做你女朋友。」

「嘈得嚟同我溝通到，又唔係一味9嘈，係我lost control個陣又食住我，好似杯冰水咁淋息我，適當時候就靜靜地聽我講嘢。」AK一個好不屑嘅樣啤下老闆娘，不屑自己比條女笑。

「你講緊我呀？」老闆娘Q住AK隻手锡左AK塊面一啖。

「你覺得仲有第二個咩？喂，做咩頭先係廚房見到烟灰缸有烟？我依幾日都冇上嚟，你又唔食煙，how come?」

「今日班friend上咗嚟開party，我有wtsapp話你知。」

「係咩？我唔知嘅？完全冇睇到，有男仔？」AK有D不滿黑黑地面。

「有呀！我都有wtsapp話你知，仲send相比你，可能你忙，睇完唔記得覆。」

ak開電話睇，又真係有喎，又係自己抵死，已讀不回，冇得發脾氣。

「幾多條仔呀？」

「自己睇相啦，三個咋嘛，仲有幾個女仔fd，全部D中同，下次介紹你識。」老闆娘擺粒朱古力係AK個口。

「你又唔係唔知我最憎食甜嘢，中同？由細玩到大？你頭先唔係着到咁呀？」AK由上而下望住老闆娘着住依套粉紅色t 同個條好短嘅粉紅色睡褲。

「係呀，識咗十九幾年永遠冇火花嗰啲呀，痴線，緊係唔係喇！依套睡衣嚟架，食完未呀？幫你洗左佢喇！」

「算你啦！」AK比左隻碗老闆娘。