<做人唔好ff太多之當我們學會愛之後>

Cha53

妳係樓下，希望聽到老闆叫妳，希望佢會追出嚟，咁樣係好傻，但係始終妳愛依個男人，妳點都有D唔捨得，女人就係咁予盾，但係妳清楚知道，妳要嘅係出口，並唔係藉口，妳要學會放過自己，同ak嘈完，妳反而舒服咗，係時候比條路大家行，佢可以放心追夢，為佢嘅事業拚搏，而妳可以做返自己想做嘅嘢。

「喂！熊啤啤！」妳聽到有人叫妳，回头。

「皮皮，做乜你會係度，唔係話打比你咩？」

「我擔心妳，咪係樓下等妳，冇事呀嘛？」皮皮知道ak d脾氣唔係人咁品。

「我想一個人去個旅行散心。」

妳好耐冇去過旅行，老闆唔陪妳去，又唔比妳自己去。

「梗係好架！不過一個人小心。」

「去到向你報平安呀嘛!」妳知皮皮下一句一定係依句。

「去啦！玩到妳覺得自己開心先返香港，想玩几耐就几耐。」

「我諗住後日走去個日本之後先決定。」

「最緊要妳自己開心。」

「放心啦！會搵你！」

「隻熊啤啤放住係你屋企先。」

「我屋企就嚟變咗你公仔貨倉。」

妳同皮皮相視而笑。

-