<做人唔好ff太多之當我們學會愛之後>

Cha43

妳聽到依句冇事啦，喊得仲西利，皮皮摸下你個頭，妳覺得好有比保護嘅感覺，或者係呵護更加贴切。

皮皮見妳喊得差唔多咁，拍吓妳。

「做咩喎？」妳死都唔起身。

「我件衫濕哂啦！」

妳仍然死都唔起身。

「妳唔好理我啦!」妳係皮皮膊頭拎頭，死都唔起身，因為樣衰囉，如果係對住ak妳一定已經起咗身，因為老闆會黑面。

「點樣架妳？仲食唔食埋D雪糕？溶啦喎！」皮皮當妳好似細佬女咁氹吓妳。

「雪糕梗係食啦!」妳即刻彈起身。

「抹返D眼淚先啦!」皮皮比張紙巾妳。

「喂呀!仲唔幫我整。」妳覺得咁樣嘅細佬女自己係最舒服。

皮皮用紙巾幫妳抹眼淚，如果自己係妳男朋友一早鍚咗妳，不過依個位置已經係屬於ak。

妳同皮皮一切冇個種距離感，又可以做返自己，但係人就係犯賤，中意ak，妳唔係唔中意皮皮，只係個種中意唔同ak個種中意，ak個種中意會痛到妳入心入肺，皮皮個種中意係淡淡然嘅喜歡，好平淡，係咪真係男人不壞，女人不愛？