<做人唔好ff太多之當我們學會愛之後>

Cha47

妳都唔記得幾耐冇上過皮皮屋企，以前未同ak拍拖個陣，妳成日上皮皮到，有時玩太夜會過夜，但係同咗ak一切之後，佢唔準妳再係出面過夜同其他男人咁close，妳好似疏遠咗皮皮，妳因為老闆唔中意，迫自己改變。

「嘩！我啲公仔!」妳一入門口見妳D公仔擺哂係梳化。

妳好興奮行去抱住佢地。

「好掛住你地！」

由於老闆唔中意公仔，佢都唔中意妳放係佢屋企，妳唯有放係皮皮到。

「係呀!全部都係到!」皮皮暗笑妳成个細佬女咁。

「我去雪柜拎嘢飲先，皮皮，你飲唔飲呀？」妳係廚房叫出嚟。

「我唔飲啦!」

妳拎咗支啤酒出去坐係廳地下捱住張梳化生

坐，皮皮坐係妳隔離，大概因為你應成左皮皮乜都唔諗

，妳先夠膽飲酒。

「你做咩唔飲？」

「我醉咗咁邊個睇住妳呀？」皮笑。

妳開咗支酒飲一啖。

皮皮係隔離望住妳。

「你覺得Ak愛唔愛我？」妳終於開口。

「妳自己唔係知道咩？演唱會個日唔係已經知道？」皮皮壇數又高咗。

「不如唔好再呃自己，面對佢!」

「其實我知演唱會個日你係後台陪住我，係因為你知我知，你驚我頂唔順先一直陪住我。」妳飲咗啖酒

。。。

面對佢，好!妳回帶返去演唱會。

睇到爆肌個到，妳頂唔住去廁所避一避，入去廁所見到Shirley，妳唔知佢有心定冇意，洗手個陣特登放部手机出嚟，開部手機著一著，wallpaper係佢同ak嘅合照。

「hi，妳咪ak個好朋友。之前見過，認唔認得呀?我係shirley，一個人泥睇呀？我睇咗几場，睇爆肌睇到悶先去廁所，估唔到妳睇一場都會去廁所。」狐狸精真係特別仆街，句句有骨。

「妳唔凍既咩？著條裙咁短？依到冷氣咁大，上面又咁低胸，因住冷親，再講咁多嘢因住凍親個喉嚨。」妳唔想理佢。

「有心，我唔怕凍，呀！講開凍，ak有几件衫放咗係我到，佢咁忙唔得閒拎架啦！你地咁"friend"不如聽日我車去妳樓下比妳。」挑机shirley。

「定係妳唔得閒呀？唔緊要!咁我自己畀ak!」shirley講完開袋拎唇膏補一補妝，特登跌個符出嚟，同妳幫ak求個個一模一樣。

「唔好意思，我跌咗嘢!」shirley執返收埋支唇膏。

「失陪!」shirley一個勝利嘅笑容。

。。

「皮皮，我係咪好低能，自己呃自己？」

「愛一個人係咁架啦！有時我都會問自己，係咪自己呃梗自己。」皮皮好近咁望妳。

「好白痴，入到後台，又唔敢行埋去，明明你都有叫我行過去啦!你企係到冇用㗎，我都係唔敢行過去!明明我先係ak女朋友，不過係要收埋嘅女朋友，好似自己先係小三咁。」妳喊。

皮皮用纸巾幫妳抹眼淚，好似調教你mirror幫ak抹眼淚咁。

「個晚，佢話佢同shirley係好朋友，我仲要呃自己信佢。」

「我好冇用囉!」

「愛一個人係咁架啦!妳會用好多理由呃自己，好多次會叫自己放棄，但係你都會忍唔住去關心佢，做好多好多嘢，明知冇結果都係想佢開心。」皮皮呢句說話同你講亦係同自己講。

妳挨住皮皮，唔知點解心有D痛，妳想錫落佢度，已經貼到好近到咀边，皮皮停咗妳。

「我唔想妳係唔清醒情況下做出啲令自己後悔嘅事。」皮皮覺得如果你係心情好又清醒嘅狀況下會對大家都公平啲。

係唔係癲㗎？邊有貓唔食魚㗎？

皮皮到底你嘅壇數仲有幾高？

妳挨返住皮皮，皮皮用手輕輕搭住妳。

「我知道㗎!嗰日你好唔開心，我係後台同你傾計睇到你啲表情，所以我成日同你傾計唔想你望過佢哋個边。」