<做人唔好ff太多之當我們學會愛之後>

Cha45

「食完，係咪好D啦！」

「好返少少咁大把!」

「行吓啦！陪妳！」皮皮伸隻手比妳橋住，皮皮知道今日嘅妳要一個依靠。

平時你地兩個係Ak面前都唔敢太close ，未同ak拍拖個陣，你地一直都係咁，不過冇半點超友誼行為，最多橋下手，答下膊頭。

妳橋住皮皮行，頂，又係拍拖嘅感覺，咩事呀！

行行下，妳停低咗，望住冒險樂園。

妳係獨立，但係妳自從同ak拍拖之後，好多野都冇做過或者唔做得，一係ak唔可以同妳去，一係佢吾準妳做，心底嘅妳係一個细佬女。

「我地可唔可以入去？」妳望住冒險樂園心心眼，妳唔係想咁樣對皮皮，不過習慣咗問，妳係咪开始有情緒病？

「梗係可以啦！」皮皮見到妳問可唔可以，佢好心痛，到底平時嘅妳扮得几辛苦。

皮皮可能都覺得妳怪怪地咁，一直妳唔會對住佢咁。

「係熊啤啤大公仔。」妳心心眼望住。

「妳係咪中意呀，扔比妳。」皮皮拍下妳個頭。

「真係架？」妳笑。

「試吓架咋！」

「好呀！」

皮皮最後成功咗，妳好開心。

「好令呀隻公仔!」妳笑。

「似妳咁可愛。」

「真係架？」妳笑，笑得好開心。

「妳可唔可以應成我一樣野？」皮皮認真問妳。

「乜嘢？」

「妳今日可唔可以乜都唔好諗同我玩一日？而家係晏就4點，妳今日要去到凌晨十二點先可以諗嘢！」皮皮指住自己隻手錶。

皮皮唔想妳去諗ak唔準妳咁，唔中意D乜，唔比妳做D乜既事，再咁樣妳會痴線！或者等你玩完，先等你慢慢講你想要講嘅嘢。

「好呀！」妳开心有人陪妳玩。

「同埋唔準再問可唔可以，想做乜我都陪妳，妳行去就得架啦！」皮皮見到妳咁忍唔住又摸妳個頭。

同ak拍拖初期，妳都有返少少自己，拍耐咗，妳愈來愈就佢，開始冇左自己，愛一個人真係好盲目。