90後生粉一名♥️ 純粹用嚟儲存返自己寫嘅故事💛
<做人唔好ff太多之當我們學會愛之後>
Cha41
「花姐。」
「咩事呀?anson Kong?問我拎返500蚊?」花姐見慣大場面,一早知Ak來意唔係因為500蚊。
「唔係啦,花姐,正經野。」
「講!」花姐一向快言快語。
「演唱會個陣,妳問我個個問題,我仲未有答案。」
「公開拍拖個件事呀?」
「係呀,我唔知點取捨!我嘅事業好辛苦先行到依一步,而家公開拍拖,一定比人話講大話,fans會流失。」
「又要馬兒好,又要馬兒不吃草,仔,邊有咁大隻蛤乸隨街跳?女朋友重要啲定要事業,真係得你自己先最清楚。」花姐直接了當打斷Ak。
「我咁辛苦先有今日嘅成就,由初初百零個生粉,去到而家千千萬萬個生粉,咁辛苦先可以唔洗企係人後面,終於有好多人知道anson kong係邊個,我唔想乜都冇。」
「即係你已經有答案,仲問我?」花姐果然見慣大埸面。
好明顯Ak 已經揀咗事業,佢仍然選擇收收埋埋嘅地下情,係架啦,ak本身係自私底,要做佢女人要好忍得。
Ak不斷問自己,到底應該點做?要放棄女朋友?佢做唔到。放棄事業,佢唔想。
「不過當初你比得我見,佢對你一定好重要,魚與熊掌自己選擇。」Ak拖得出泥介紹嘅一定係認定咗。
Ak個腦似乎一下子load唔到。
「我要講嘅已經講完。」花姐拍一拍Ak走咗。
Ak坐咗一陣都起身走。
正當Ak走之際,有人叫佢。
「AK?」
「Shirley?」
「我約咗陳仔,唔傾住。」Ak似乎避梗乜。
「我地唔係仍然係朋友?」Shirley問得好嬌嗲,眼神流露一點嫵眉望住Ak。
「我今日冇心情討論依個問題。」Ak下意識向後退一步。
「我等你有心情嘅時候再討論。」Shirley不溫不火地講。
Shirley係一個好勝心極強嘅女仔,容易得到嘅,佢唔要,以前Ak 溝佢,佢拒絕,愈難得到,佢就愈中意,到底佢又同Ak發生過乜事?
依個時候,lok man出現,見氣埸唔對路。
「Ak,唔係約咗Ian咩?佢話揾你唔到喎!」lokman是但作比機會Ak走,一世人兩兄弟冇得計,依D咪默契。
「係呀!而家走啦!」Ak 急步走。
Lokman心諗,唔係呀,兄弟又玩火?
-
「皮皮,我係到呀!」妳從後拍一拍皮皮。
「又嚇我?」皮皮笑。
「咁多年你都唔怕嘅,扮嘢氹我開心咋嘛你。」
-
喜欢我的文章吗?
别忘了给点支持与赞赏,让我知道创作的路上有你陪伴。
发布评论…