<做人唔好ff太多之當我們學會愛之後>

Cha35

坐吓坐吓，都凌晨四點，ak見D酒氣散得7788，就開車車ian返屋企先。

「你返屋企都抖吓啦！bro！」ian知Ak都好攰，爆咗咁多情緒出嚟，拍一拍ak

「多謝你！陳車腎。」

「在心中啦！江畢生，好好休息埋今日。」ian落車走。

Ak係車入边做手同ian byebye。

而妳係屋企等梗老闆返屋企，心入面個種不安情緒，同當年叱吒黑面事件一樣，不過妳知道佢冇講唔返，就一定會返屋企既！當年嘅感覺妳唔會忘記，佢一入屋個陣濃烈嘅玫瑰香水味，妳到而家仲記得，但係妳愛佢，所以妳忍，妳選擇扮唔知，因為佢識返屋企。

當年嘅老闆黑口黑面嬲爆爆咁開門入屋企，妳記得個陣同而家一樣係凌晨五點幾，一入屋，已經聞到個陣玫瑰香水味，個陣嘅妳啱啱做完手術，身體仲好虛弱，但'係妳太擔心老闆，妳一直係客廳等佢。

妳見到佢返屋企，心都安樂左，至少妳可以陪住佢，就算佢唔肯講，陪到佢就得，妳清楚知道一個聰明嘅女人唔會問太多，更加唔會問你去咗邊依D問題，咁樣佢會走架。

「我知你拎唔到獎好唔開心，我會陪住你架，一係陪你出去行吓，好冇呀？」雖然唔舒服，但妳仍然试圖比D安慰老闆。

「你好煩呀！我淨係想一個人靜吓！」ak推開妳。

「一係沖涼休息下，定係肚餓，整野你食。」

「都話想靜吓，一係我出街，一係妳入房。」ak發脾氣除手扔碎咗個相架。

妳見咁'樣，都係唔好煩佢，妳選擇左入房，反正做完手術，妳要抖吓。

妳轉身行入房，ak除衫沖涼，啱啱妳回頭一望，見到佢背脊嘅抓痕，妳心清楚明白係咩'一回事，妳冇打算問老闆嗰個女人係邊個，於是妳選擇入房扮唔知，妳冇鎖房門，因為門永遠為老闆而打開，。

。。。

依個時候，妳聽到鎖匙聲。

同ian訴苦訴一晚嘅老闆返屋企啦。

Ak行去梳化捉住妳隻手錫咗一啖。

「咪叫妳唔洗等我，又唔返房訓，又訓廳，一陣冷親。」ak温温柔柔咁向妳講，一邊同妳com被。

「諗住你好快返呀嘛，車一車佢哋，咪等一陣囉！」妳半起身，頭貼住ak下巴

「我去咗同陳仔傾計吖嘛，對唔住啊！唔記得話妳知！」ak用右手抱住妳。

「返泥就好！」妳攬住ak。

「應承咗你一定會返屋企㗎嘛！傻瓜。」ak錫妳額頭。

「我知，你一定會返，所以我等你囉！」'

「咁快D訓啦，我知妳肯定冇乜點瞓過！」ak想起身沖個涼。

「anson，你唔好走啦！」唔知點解妳好想老闆陪妳訓。

「我想你陪我訓。」

「好啦！我陪妳！」ak見平事'金獨立嘅妳出聲叫自己陪妳訓一定有啲乜嘢事，就應承妳啦，妳訓咗係ak大脾，ak拖住妳手訓。

Ak另一隻手撥吓妳頭髮，睇住妳訓，佢知道自己欠妳太多，好想為妳改變，雖然佢唔知自己得唔得，不過學ian話齋唔试點知啫！