90後生粉一名♥️ 純粹用嚟儲存返自己寫嘅故事💛
<做人唔好ff太多之當我們學會愛之後>
續。Ak 的自白2
Ak內心小劇埸:
一直以嚟,我咁努力工作,只係為咗我哋嘅將來,要儲錢先夠比首期買樓,想比更好嘅生活妳,我一直冇出口講,以為妳會明白我做嘅每一件事,入調教camp之前一晚,我暗地同自己丞諾,丞諾出返泥要做一個更好嘅Ak。
以後每一日,會為妳做十件事
朝早,我會係第一個聽到妳講:早晨。
「早晨啊!老闆!」妳半開眼不醒咁講。
「嗯!訓多陣?我係妳隔離做乜咁早起身?」Ak上身半裸用右手抱住妳,妳訓係佢臂上。
「琴晚開心得濟,訓唔到?」Ak邊淺笑埋首妳頸邊。
「老闆,你攰唔攰?」妳冇依個大细佬咁好氣。
「唔攰啊,妳攰D,琴晚一直係我下面比我…..」ak 奸笑。
「唔理你啊!」妳打斷咗Ak,離開老闆強大臂灣,拎起老闆件白色t著咗就起身出房。
Ak錫咗妳個咀一啖,繼續訓。
隔咗一陣半裸嘅老闆起身,行入廚房。
妳準備早餐,Ak 為妳冲咖啡,佢行去妳身後抱住妳。
「早晨啊!煮乜啊好香?」ak 一邊索妳頭髮。
「all day breakfast!」
「得唔得架妳?」
「你就唔得。」妳不甘示弱。
「妳琴晚唔係咁講呀!」ak 又奸笑再大力索咗妳一吓。
「再玩遲到啦!」妳推開Ak。
「推開我?十幾日見唔到我架啦!」
「所以咪煮早餐比妳。」好快已經搞掂咗,畢起埋。
食完早餐,Ak預備出門口。
「有冇帶漏嘢呀?」
「妳check咗好多次啦!老闆娘!」Ak半帶笑話妳個緊張樣。
「得啦!嫌我煩。」
「出門啦!」Ak kiss咗妳咀一啖。
妳開門,同Ak道別。
我坐上的士戴上earphone,先聽返妳之前嘅電話錄音,原來因為工作全部miss咗,今日一於聽返唒佢,陪我開始新嘅一日。
「我會好掛住你,等你返屋企!」
「江媽媽問我地幾時返去食飯啊!」
「今日落雨,淋到濕晒!」
仲有張自拍。
淋到濕晒,快啲抹乾佢,唔係病架啦!
習慣性嘅已讀不回,對唔住!
晏晝,我會將lunch 相whatsapp比妳,
然後我會好有動力,繼續工作。
「喂,江畢生,今日食咗乜呀?我食咗魚蛋粉!」
內附一張食物相。
工作嘅我,有時忙到飯都冇食,所以仍然依讀不回。
對唔住。
我會盡量話妳知幾點放工,不過有時自己都唔知自己幾點收工,如果早收我一定會話妳知,等我準備晚飯,洗碗喎,妳嚟啦。
「老闆,我今晚煲湯,唔知你幾點返呢?」
「我一個人煮咗兩個人嘅晚餐😂」
附上食物相片。
拍梗mv嘅我,仍然已讀不回,對唔住。
將來等我事業有成,我哋會每晚散步,除咗芝麻,仲會養幾隻狗,我拖住妳嘅手一切去放狗,瞓覺時候…我一定會攬住妳;幫妳com 被,最後一件事,為左照顧妳,我答應更加小心自己嘅健康,盡量飲少幾杯咖啡,一定會食飯,唔會再好似以為咁為咗keep fit 唔食嘢,最多做多啲運動!
每日做好哩十件事,就等於我分分秒秒喺你身邊,有一日,我會笑住問妳願唔願意?
雖然哩個承諾唔係轟轟烈烈,但係我願意
因為妳嘅在乎,我變得幸福。最後最後,I love you希望妳一直會幫依個老闆打工,做江氐旗下永久員工。
---
之後會繼續返故事主缐,純粹想寫下Ak男友視角。
順便等生粉們甜吓❤️
故事中嘅妳歡迎自行代入。😂❤️
喜欢我的文章吗?
别忘了给点支持与赞赏,让我知道创作的路上有你陪伴。
发布评论…