<做人唔好ff太多之當我們學會愛之後>

Cha16

「Anson，你錫咗我好多啖！我就快燶！仲有乜嘢老公啊？」妳甜甜一笑。

「咁啊！咁多曰冇見啊！掛住妳架嘛！我唔做妳老公邊個做啊？」Ak 講得自然又帶點小朋友既調皮。

「可能係其他人架！世事冇絕對！」妳又激Ak。

「妳都痴線嘅！我唔准！」Ak霸道咁講。

Ak就係有依種反差，私底下可以好sweet，係朋友或者屋企人面前就會係大男人啲對妳，咁妳對外時候都會比返面依位江少爺。

「得啦！得啦！」妳離開Ak 嘅懷抱。

「嫌我煩，咁妳走啦！」

「唔係啊！我早排執屋，發現依本相薄，入面有好多我哋開始拍拖嘅相，想同你一切睇嘛。」妳邊講邊係枱茶機底拎本相薄出嚟。

「咩相啊？」Ak一面好奇，大概入咗行咁忙嘅佢都唔記得咗依D相。

「依張啊，記唔記得依張？」

「哦，全民造星決賽。」Ak望住相入面橙色衫嘅佢搭膊頭嘅合照答妳。

「個陣冇乜人識你，我仲可以入後台同你影相。」妳笑吓指住D相講。

「時間真係好快，2021年你已經有千千萬萬個生粉，係好多廣告嘅新寵，又係天團副隊長。」

Ak望住眼前依個女仔，一個陪自己走過好多嘅日子，一個為自己犠牲咗好多嘅女仔，一個冇限量支持自己嘅女仔，一個忍你所有缺點嘅女仔。

「個陣大家仲好青澀，我地個陣開始拍拖冇耐，我就話要追夢，參加比賽。」Ak心底感覺自己係自私嘅。

「咁你而家成功咗，我咪係成功男人背後女人。」

「好快成為天王嫂，其實個陣我都唔知自己點解會追妳，可能係緣份。」Ak戚咀奸笑。

「妳完全又唔係靚，靚，靚，又唔入於可愛type。」Ak一邊大笑一邊講，不過笑容係好開心。

「咁你中意我D咩啊？畢生江。」妳啤住Ak。

…

.