<做人唔好ff太多之當我們學會愛之後>

Cha13

返到酒店房

Ak 個樣仍然嬲到好似當年全民造星2為班兄弟排名出頭咁嘅樣，塊面仲黑過吒叱個陣。

直覺話妳知，老闆除咗依件事，仲有其它事令佢咁嬲，沖涼個時個腦不斷loop頭先發生嘅嘢，妳沖完著返啲衫就出去，見到Ak半裸下身一條孖煙囪坐喺床。

「你有冇野想同我講？」妳行去坐係Ak旁邊。

「你想知D咩？」老闆心諗女人依句你有冇野想同我講係幾咁恐怖嘅事。

「你同Shirley到底？」女人始終有妒忌心，自己男朋友同其他女仔咁close，痴缐咩？

「我同Shirley冇嘢架，係，好耐之前我係追過佢，不過講緊係未識妳，未同妳一切嘅事，起碼十年前，個陣大家參加比賽。」

「點解而家先講啊？」

「我唔講就係唔想好似而家咁！」Ak 好無奈咁答妳。

「咁你唔識避忌吓？」

「妳唔中意，我咪避忌吓，不過我哋只係好朋友。」Ak有D位都會讓妳。

「…」妳心軟。

「妳問完，到我問啦！」Ak 一臉認真。

「你問啦！」

「你之前係唔係有咗？」Ak吸一啖氣拖住妳隻手拉妳面向自己問。

妳心諗；點解佢會知？紙包唔住火，既然係咁，妳決定坦白。

「花姐已經話咗比我知，妳唔准再呃我。」

「係，一次係你出道個陣，一次…..。」妳留意到ak 嘅臉部表情，愈泥愈黑。

「仲有第二次？」Ak 努力忍住自己D火，拖住妳嘅手捉得更緊。

「一次係你咤叱黑面事件之後，你心情又差，咁你又想做自己想做嘅嘢，我咪偷偷地去落，唔想阻住你追夢。」

「我係bb爸爸，唔係有權知道？」Ak個心痛到碎咗咁。

「Anson ，我….。」

「對唔住。」Ak 攬住妳，好似係調教你mirror入面同呀jer道歉咁仲要眼濕濕。

「Anson，你…！」妳冇諗過依句說話會出自江爆生把口。

「以後有事可唔可以唔好呃我？我係妳重要嘅男人，唔係應該同我商量。」

大概妳明白點解今曰係後台Ak會咁火爆。

「嗯。」妳應成老闆，妳被眼前依個男人感動梗自己，一個咁硬淨嘅男人為妳流眼淚，乜嘢Shirley，千千萬萬生粉妳都已經拋諸腦後。

「其實我好開心你今日追出泥，以為你唔會。」

「我唔追出泥，妳比人食咗啦。」Ak抱得妳更緊，佢知妳仍然記住個件事，Ak 眼淚仍然流緊。

「冇啊！我淨係會比你食。」

Ak推咗妳落床…望住妳。