<做人唔好ff太多之當我們學會愛之後>

Cha68

「以前我地一切跳舞，又一切出show，個陣我地好夾，可能因為大家有共同興趣啦！我地有好多話題，之後耐咗就拍拖。」

「之後呢？」妳好認真聽皮皮講。

「個陣時我好中意佢嘅！」皮皮停一停睇下妳咩反應，佢知女仔點都有D小器。

「你繼續啦！」妳係有少少呷醋嬲樣。

「真係聽？唔准嬲架喎！」皮皮好疑惑望住妳。

「你話架嘛！係人都有過去，你講落去啦！」係女仔都小器㗎嘛，但係又想知，因為妳愛佢。

「之後我地咪好似正常情侶咁拍拖，好快就同居，個陣我對佢好好，但係佢最後都係要同我分手，分咗手之後就識到妳，之後再冇拍拖啦。」皮皮摸吓妳個頭，廢時妳小器。

妳覺得個女仔應該做過D野hurt得皮皮好深，妳仲猶豫梗問唔問好，皮皮就繼續講落去。

「開頭拍拖個陣都好開心架！得閒一切煮下飯買餸，簡單生活，佢想點我都就哂佢，但係耐咗，佢開始嫌我冇用，嫌我悶話我無大志，無目標，又搵唔到錢，仲要同我住係依D咁細嘅單位，佢又入咗行，大家開始有距離，跟住就識咗個有錢仔同佢一切。」

「所以？」妳完全唔知皮皮有咁既過去，以前嘅妳眼中只有ak，都冇認真关心佢。

「妳講個D膠杯膠碗，係我買嘅，可能真係我太廢，佢返泥日日發脾氣，佢話我要嘅嘢我根本比唔到佢，咁我見佢成日扔爛D野，咪索性全部換哂膠，費事一陣整爛曬佢又整親手，但係佢最後都係走咗，D野一直擺到而家冇換。」皮皮仍然拖住妳。

皮皮份人就係咁，一隻手錶可以帶几年，一件衫可以著几年唔扔，可以話佢賴，亦可以話佢長情。

「我同佢拍咗幾年拖，一直都係咁，直到有一日佢返屋企話想要更好嘅生活就執嘢走，我有留佢架，不過佢都係要走，佢要嘅嘢我比唔到佢。」

「佢去咗做小三，所以同你分手？」

「我諗係掛，分0咗手就算，我都冇深究，之後睇報紙都係咁講做咗小三，後尾知道佢有抑鬱症，我都有wtsapp慰問下佢。」

唔知點解，妳聽完唔知比咩反應，妳唯有攬住佢。

「個陣我係想同妳表白，但係我想比自己settle好先，如果我未放低以前，同妳一切，咁樣對妳唔公平，點知ak又對妳有意思，我覺得佢樣樣都好過我，咁咪讓比佢。」

「痴線！點解你要諗埋一邊？你淨係跳舞都好睇過佢，你咁蠢架！感情都有得讓嘅咩？我一直都係中意你，等你講，等唔到，以為你唔中意我，我先同ak一切。」妳差D比皮皮激死，佢未免太和平，又太冇鬥心，但係見到佢個樣妳又嬲唔落。