有拍必回, 希望多分享個人的所見所聞, 為雲遜留下一點記錄
拆手機維修初體驗
自己一直用開華為機, 自從Google Play唔可以直接裝在手機上就改為三星, 但手上幾部華為機仲一直保留住屍骸, 主要都係俾我跌爛個MON, 最近突然上上下淘寶見D零件好平於是試下拆機玩~
第一部拆既係Nova4
一開始就咁淘左個外屏($15)就換, 結果個觸控屏都俾我整壞埋, 真真正正可以入土為安
但係抱住永不言敗既精神~ 再用($180)買個叫屏幕總成既零件, 即係成個MON 加觸控板, 到步後成部前前後後都拆哂出黎~ 如粒電脹左都可以換埋(風險自付), 經過半小時努力~
部機完美復活…………..本來係咁諗住
但原來我買左個冇框總成, 而原本個框又俾我整爛左, 於是呢部第1次試驗已半失敗告終, 唯有買個厚套遮左條罅….. 眼不見為乾淨
不過有左呢次經驗, 我決定將另一部更舊既機Nova2i 復活~ 下次再同大家分享多D內部結構同注意事項~
喜欢我的文章吗?
别忘了给点支持与赞赏,让我知道创作的路上有你陪伴。
发布评论…