電影 - ある男 - 那個男人

想不到用一幅René Magritte的作品《La Reproduction interdite》來開宗明義，由一件事故引發出嚟嘅身份差異，近嘅探討原生家庭帶來嘅影響，遠嘅就講族裔移民帶來嘅影響，甚至乎係夫婦關係帶來嘅影響。

你有冇試過為咗唔想講真話，假裝自己係另一個人呢？

本來以為佢可能會探討啲比較深入嘅族裔問題，但係其實去到尾都係想問究竟真實嘅自己會有幾不堪入目，表面嘅身份同你自身嘅內涵有幾不相襯，要去到咩地步你先要覺得如果我變成另一個人可能會更加生活好啲？

原小説作者平野啟一郎，由《愚行錄》導演石川慶執導，聽聞攞咗好多獎，尤其係安藤櫻，確實做得好好。