My little detour - 《那種熱的感覺又回來了》

今日都係時候去Tulum ruin了， 而沙灘嘛， 我就諗住順手經過就算了， 因為根本...無mood落水。

由於呢間hostel唔包早餐， 所以我都只係食琴日買嘅餅， 咬住餅飲住水就向對面的遺址進發。 其實真係好近， 行一小段路就到， 入場費75 peso, 其實都好合理, 張飛仲要係好先進咁do QR code架。

咁當然啦， 如果你唔係到考古好有興趣， 多數都好似我咁望下個介紹， 影下幾張相同望下個景就完事。 而當中我影得最多反而係的iguana 。 行完坐左陣仲見到另一款怕醜動物， 但太怕醜， 佢用樹枝遮住左塊面🤣🤣🤣

既然行完， 我當然走啦， 走去人人都話水靚的沙灘。 er... 老實講， 我有的失望， 因為近年藻類泛濫， 令到好多魚魚死亡， 所以海水傳嚟一陣陣腥臭味。 行遠的的水係靚d 嘅， 但我都無咩興趣踩下水。 因為太陽很猛，行呢個沙灘時就算望住地下， 對眼都會感到刺痛， 所以我決定速逃。

但行返去條路都遠， 我先要兜返出去supermarket嗰邊， 見到7-11喎， 我就行入去嘆冷氣過下冷河之餘再嘆左個熱狗餐 （25peso) 。其實係幾好食嘅， 係細少少， 但能夠搭到枝冰凍可樂， 係當時嚟講仲夫復何求呢！ 之後我再行去centro搵琴日秘魯女仔講的巴士， 但我真係搵唔到， 只見到ado。咁算啦， 我決定去超巿買埋水就返去hea, 仲買埋朱古力蛋糕當晚餐添😊

丫， 仲有另一任務係上網reserve Bacalar hostel, 琴日平的嗰間無左， 早知咪咁懶， 但今日book左間近d貴少少， 500 peso 2晚， 希望good。

已用：132 peso

75 peso entry fee tulum ruin

25 peso seven熱狗餐

32 peso cake +水 2 枝