My little detour - 《赤赤痛》

唔知係咪琴日太曬（但其實我已全程擔遮）， 琴晚瞓瞓下對腳已好痕仲赤赤地， 今日起身仍有刺熱的感覺陰公！

都係嗰句啦， 唔趕時間， 我就喺床hea。 點知十點幾host敲門， 咁當然大家都好明咩事。 佢話媽媽話我琴日搵佢， 於是我話我住多晚， 然後隊左8 cuc比佢。 既然醒晒， 我都執下野出街先。 首先就去viazul買車飛， 寫低左日期時間比佢睇， 佢就叫我寫低名， 22/6 嗰日9:30到比錢就ok。

搞完的正經事就開始周圍行， 見到小食鋪仔， 又order 個火腿包(6 cup)同mango juice(3 cup)先, 咦! 個包無烘嘅， 早知返之前嗰幾間買。

我諗諗下已暢的錢其實都係唔夠用， 所以去左兌換€55， 仲用左兌返嚟嘅cuc換左的cup用添。然後亂行下經過一間pizza鋪仔， 又order左個腸仔pizza (15cup), 呢個真好食架喎！

跟手去廣場上網， 點知屢試都失敗， 唯有放棄， 買埋枝水 （17.5cup)就返hostel了。唔知點解個人好攰， 唔想再郁， 返到hostel洗面洗手洗腳之後攤上床仲瞓著左添😱 （順帶一提， for遊客 -即藍色sign嗰的hostel係政府規定要包冷氣的， 如果無呢個配備， 係唔可以申請做遊客的hostel）

好喇， 雖然時間多， 都唔介意hea下時間， 但五點幾都係時候起身去搵食了。 唔知係咪習慣左呢到的天氣， 我開始唔再無胃口， 仲成日掙扎係咪要日日去嗰間龍蝦餐廳咁富泰🤣。 其實我今日決定左試琴日的手撕豬肉絲包（但其實暗地裹好想去餐廳食龍蝦炒菜餐）， 好喇， 遮住對眼當見唔到， 勇往直前咁去豬肉絲包嘅檔仔。 見返琴日比較衛生嗰間， 問佢幾錢， 好似話1 cuc, 1cuc我又唔食了。 之後佢話1 cuc 2個， 丫， 但點解要逼我買兩個呢？ 不過是旦啦， 反正有的餓。 點講呢， 的豬肉係ok 嘅， 但個bun貫切住硬繃繃的texture, 雖然有的sauce, 但其實試一次就夠了。

之後係公園上左陣網， 突然興之所至， 睇下琴日間軟雪糕有無開先， 無喎， 咁算啦！反正我今日另一target係飲mojito。 行返去間鋪仔， 1 cuc的mojito都唔算太貴， 但有礙於上次同阿Ki飲完我有的暈暈地， 於是我好自量力咁攞返homestay嘆， 沿途的Cuban仲好欣賞我識買mojito飲添。 行到門口有人賣緊大蝦片物體， 好想試， 5cup一塊又不妨一試嘅， 我好耐無食過脆口嘢。

今次杯mojito無咁哽， 我飲完無事喎， 仲難得今日呢個時間無咁曬， 我梗係唔執輸再出去啦。 無架， 真係閒逛架咋， 行行下又到返今日換錢嗰到， 見到有的賣小食鋪仲未收， 於是我試左maiz （粟米， 但呢到指粟米小食）。 上次係Holguin聽homestay mama講過maiz呢隻字， 雖然條街dirty 啲， 但都試一次啦， 反正仲有兩日係到住， 唔驚肚疴。 2cup應該係指一粒， 我比5cup其實都係想試一粒， 但佢唔找錢比左3粒我， ok, 反正未飽， 同埋其實幾好食。

之後又再望向雪糕鋪， 喂， 開左喎！ 我又去買一杯， 謎底解開了， 原來只係3cup一杯， 即係琴日比貴左。

嘆埋雪糕我又行返去homestay休息了。 

今日共用： 9.9 cuc + 58 cup

8 cuc 1 night homestay

3 cup mango juice

6 cup ham bun

15 cup 腸pizza 

20 cup 找0.1 cuc Water

1cuc 2個豬肉絲bun

1 cuc mojito

5 cup 脆蝦片 （gijalon)

6 cup @2cup each (炸粟米小食 maiz)

3 cup icecream

換左€55 = 50.1 cuc + 240 cup