甘米
甘米

love nature, love travel, love drawing, love photographing

My little detour - 《離開hea爆的Trinidad, 去再hea d嘅Cienfuegos》

22 Jun 2019, Sat (Day 24 晴 Trinidad-> Cienfuegos, Cuba)

琴晚唔知點解唔係好舒服, 究竟係我飲水飲得太急, 定食野食得太雜, 定係食左太多呢? 想嘔想嘔, 又有少少想去廁所咁, 但又唔係勁強烈感覺嗰隻, 只係唔太想食埋...琴日嗰半條包。


今日出發去Cienfuegos, 9點05分未夠我已經還晒鎖匙同去到巴士站, check in左比埋6 cuc就坐係到等, 似乎luggage room未ready, 定要自己搬呢我唔知。 到左9:40我見到的人開始郁, 梗係問下穩陣d。無錯, 呢架係經Cienfugeos去Havana的巴士, 寄行李時佢又開口要貼士, 而我真係好唔鍾意人問, 於是同佢講下次先, 諗起都極搞笑。

巴士總站

太好了, 今次係總站發車, 終於可以揀位坐了, 我揀右邊...點知沿途曬到呢。 咁我望望左邊, 嘩, 仲有海景睇喎, 咁我梗係調位啦。

說時遲那時快, 真係個幾鐘就到Cienfuegos, 咩原來全車人得我一個人去呢到架咋, 不過無相干。 咁我諗住搵左hostel先再決定stay幾日, 同埋其實我心思思想去琴日阿Li介紹的Giron, 所以都係等settle down先。 其實頭先坐巴士已經經過幾間hostel, 咁我出巴士站順勢咁搵, 頭一間話full。 第二間開價唔知幾錢,我問佢意思係咪13cuc, 佢話ok就呢個價錢, 喂, 我未還價架, 定你本身諗住幾錢架。 咁唔啱價我走啦, 佢又好順攤咁比我走架喎。 再搵左幾間, 有的都係full 左, 最後比我搵到間還價後10cuc (原來15cuc包早餐, 咩個早餐咁貴呀), 咁我話無問題, 我住一日啦。 而好彩我話住一日, 後面再講。

比完錢登記完梗係去買車飛啦。 咁由於我見hostel不遠處有個公園仔, 諗住睇下嗰到有無得check下班次先, 咦, 無show 嘅, 唔通唔係regular?

咁唯有去到巴士站再問啦! 去到Viazul又再放飯, 以我經驗, 佢地放飯時間唔短嘅, 咁我跟住兩個男仔後面等, 原來佢地買即日嚟緊的千里達車飛。由差不多12點開始等, 最後等到2:15分, 天呀! 我的時間就係虛耗係無止境嘅等待到呀😭😭。仲要佢要處理晒即場去Trinidad的車飛先輪到我, 我亦老實不客氣問可唔可以係佢間房等, 丫, 佢又比喎🤣🤣。 中於之前係viazul門口睇到告示有去Gorin的車, 我就寫低左要8:40嗰班。 佢叫我寫低名之後明天早30分鐘check in。 

正經事搞完已經2點半, 咁我就開始遊呢個城巿。 er...都係古巴嗰種千篇一律嘅屋啦, 直到去到centro...又係嗰的 centro啦, 我懷疑古巴逢星期六的人係唔出街, 上次Camaguey又係...好似死城咁, 我首先買左杯piña jugo先 (3cup), 麻麻地呢杯。 之後又經過國營雪糕店,咦, 平過Holguin架喎!


我點左杯Canoa India 揀左coco同fraser favor, 正當我諗緊呢杯係咩傢伙時, 因為明明眼前呢杯似新地, 而收錢佢只收我3cup, 但明明標價4cup, 夠竟佢比左咩我食, 我只係知有coco雪糕, 有塊餅同有幾粒西瓜咋😱。

除左雪糕, 最重要當然係買枝冰凍的水 (0.7cuc), 跟住去到centro個公園, 即係四周係theatre, church嗰到, 既然到左廣場...點都上下網啦!

噢, 又上唔到, 原來除左千里達外, Cienfuegos都收得咁鬼差。 算, 慳返! 跟住慢慢去到伸延出去的碼頭物體(但不是碼頭),仲有裝置藝術添 (但關眼鏡咩事呢)?嘩, 唔掂, 熱到甩肺, 我根本無動力行落去, 況且都係嗰的店鋪, 仲要關晒門無咩賣, 我無心機了, 唯有飲多杯mango jucie (2cup) 後5點3都未夠打道回府了, 好彩....我留一日咋!

今日共用: 16.7cuc + 8 cup

6cuc bus from Trinidad to Cienfuegos

10 cuc homestay

3 cup piña jugo

3 cup canoa india (國營雪糕店)coco and strawberry (價目表4cup, 佢收我3cup, 其實係咪點左其他野? 

0.7cuc 水

2 cup mango juice

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论