健身佬試生髮中心邊間好！中藥生髮做到錢、頭髮同肌肉都無咗，最後轉去做激光生髮

小弟我今次開帖呢，係唔會答「點解中醫生髮對我無用」同「健身會唔會甩頭髮」呢2個問題，因為前者我等陣會講得好清楚，後者答案就係：唔會！

中醫生髮：我直接買咗半年中醫生髮療程！

生髮中心邊間好，唔試過無資格講嘢係咪？其實我本身係一個好信中醫嘅人，我哋呢班健身撚喺gym room唔係講健身就係講養生，男人老狗成班成鬼日講氣虛同失眠，其實諗落都幾好笑，認真㗎，其實一日八個鐘坐冷氣房、再喺冷氣房健身，一出街一冷一熱真心好易攝親，總之健身友身體好似好健康、其實出汗太多又成日坐冷氣房，真心10個有9個都濕熱同氣虛，我都三五不時瞓得唔好又左臉爆瘡，就去搵中醫執一星期藥......所以甩頭髮愈嚟愈勁、夏天愈熱我個頭愈油嘅時候，我第一時間其實係去搵某間中醫生髮中心做生髮療程嘅（呢度唔會開名，費事麻煩，想知嘅話PM我），佢哋喺流媒做好多廣告，成日搵youtuber親測嘅，我諗都好易估......

我係個啲要做就做到盡嘅人，所以上去試做一次之後唔洗講，直接就買半年療程！

中醫生髮中心其實包咩嘢呢？首先就係頭皮檢查分析、然後就對症下藥，洗頭、再根據你個人髮質去調配髮膜（我本身仲以為會有個中醫駐場同我把脈添，哈哈真係諗多咗）、敷住個髮膜蒸氣焗頭、洗頭、然後就用RF（好似係RF）射頻生髮儀射頭皮、再用噴槍去噴中草藥精華，最後就係高壓注氧槍。具體嚟講一個月做幾多次呢都係跟返脫髮嚴重程度啦，幾多錢我亦都唔會喺度公開講，總之都要成幾萬蚊。

老老實實，其實做完療程個下成個頭皮涼浸浸，覺得自己個頭無曬頭油、頭髮好清爽嘅feel其實都係幾好㗎。咁凡事如果唔做好，就不如唔好做，而且我岩岩先花咗幾萬蚊買個中醫藥生髮療程，咁就梗係要搵埋我個中醫開生髮藥係咪？雙管齊下、一鼓作氣搞掂佢！我得29歲唔想一世都淨係可以剃光頭做光頭大隻佬呀！

為咗醫治脫髮我唔去健身，結果錢、頭髮同肌肉3樣嘢都無咗......

生髮中心邊間好我未必知，但係健身會脫髮呢件事好似由細到大都有聽過，好似變咗全民共識咁？都唔知一開始係邊個傳出嚟！不過gym room的確係10個大隻仔7個都係禿嘅......

我問過中醫，佢話唔洗停健身㗎喎，做下運動對生髮反而好呀，因為可以促進氣血運行吧啦吧啦，不過要注意唔好出太多汗囉，因為汗為血之餘呀......本身我淨係戒咗cardio，跟手愈做個中藥生髮療程愈無料到，我個人就愈騰雞，不怕一萬只怕萬一，我食中藥同做生髮療程真係擺咗好多錢㗎，之後慢慢一星期做4日重訓變咗做3日、2日.....跟住就驚到無做成個月，諗住專心返頭髮先，健身幾時都可以做返啦！

我堅持做咗4個月中醫生髮療程同食生髮中藥，食中藥差唔多日日食咁滯，我可以好確定咁同大家講，對我嚟講唔work。係，食中藥係調理咗我身體，我成個人精神咗、訓好咗、無咁熱氣爆瘡，去得都順暢咗，不過就真係淨係個身體好咗，頭皮完全係零反應。

洗頭要脫嘅都係會脫，一把抓落嚟成十幾條，而頭髮愈脫愈少、頭頂位愈嚟愈禿見到曬肉，個圓圈仲一直向外變大緊。

嗱，我無否定中藥生髮療程嘅意思，畢竟我真係不嬲好buy中醫根據每個人唔同體質對症下藥呢樣嘢，但我個頭皮唔受中藥我都無計㗎下話？我相信一定有其他人做中醫生髮療程係work嘅，只不過唔係我。

生髮中心邊間好呢啲嘢唔試唔知，true，但係我都真係好肉赤失去嘅錢、頭髮同肌肉，仲有健身中心會藉費呀......

生髮中心推薦：有師兄做咗5個月F8生髮

自從做好長時間之後發現中藥生髮對我嚟講無效，我就去返舉鐵，因為知道肌肉量流失咗好多，岩岩做嘅時候上氣不接下氣，完全做唔返以前個表現，重量都降咗好多個Lv…...唔係講笑，心都灰埋，真係覺得自己貼錢買難受，不過呢啲嘢真係事前無人知嘅......

淨返個2個月生髮療程都唔知去唔去，唔去又心疼啲錢，同其他師兄吹水訴苦嘅時候，佢哋話點解唔去試下2888蚊有10次個個唔知咩激光生髮療程，個啲好平咋喎，而當中咁岩又有一個師兄做緊F8生髮療程喎！有時候我覺得有啲嘢都係整定嘅，當我煩緊都唔知生髮中心邊間好（又或者生髮中心其實有無用呀......)嘅時候，就有一線曙光！

我梗係立即就問佢F8生髮療程好唔好、F8生髮有無效啦！師兄問我其實幾有決心同預幾錢去做生髮療程呢，可以去試咗F8生髮療程先再決定買唔買Plan個啲，因為佢話要醫脫髮一定唔可以心急，你心急無用，啲頭髮生長期係好慢，真心係皇帝唔急太監急。唔做幾十次根本睇唔太出個生髮效果㗎，所以雖然F8生髮只需要2k8做10次，但絕對唔會淨係做10次就有返曬頭髮啦......

我話我梗係知啦，師兄，我之前去中藥生髮療程一買買半年，而家已經做咗4個月啦！跟住成班大隻佬圍過嚟睇我個頭頂，場景氣氛一度變得十分奇怪，一人一口係喎係喎又真係幾禿、係喎對你又真係無咩效、又話咩咁後生就脫髮呀......搞到我成個展覽品咁勁老尷。

對比之下，個位去咗F8生髮做咗近5個月嘅師兄，頭髮比我濃密好多，雖然都唔係好多瀏海，但至少髮旋位唔露頭皮先，佢遠睇個頭雖然薄啲但真係好正常，佢同我講佢之前都似我咁，頭頂禿到見到肉，一撥起頭髮對貓耳非常高，而家已經好咗好多......聽到我勁鬼羨慕！

師兄比咗F8生髮顧問個電話我，於是我又試另一間新嘅生髮中心Perfect Hair（有時真係覺得自己都好鬼積極）。

後加：健身唔會令人甩頭髮！所以而家我已經回復返以前個做gym節奏！

生髮中心邊間好？我諗都算搵到一間幾岩我做嘅

Perfect Hair 髮神好唔好？環境呀服務呀通通都唔錯嘅，有海景，始終都係上市集團旗下，上到去真係唔覺得原來個生髮療程咁平。老老實實，如果唔係有師兄介紹、又有真人實測F8個生髮功效，或者我都無信心去再上一次生髮中心試邊間好、再比錢買多一次生髮療程......所以都話冥冥中注定囉！

F8生髮其實都無咩唔係明碼實價嘅，2888包10次療程其實係講緊個部軟激光生髮機，其他嘢要比錢加、有啲係送嘅，咁就真係睇下你想要咩囉，咁我諗其實佢哋一個療程都唔係好多嘢玩(無之前中醫個間咁多嘢做)所以都唔係加好多錢買好多樣嘢，我記得就有深層清潔、軟激光、注氧、照燈同導入精華之類。咁深層清潔都一定要㗎啦係咪？買之前當然要問問師兄，佢話佢都有加導入淨化精華，於是我都加埋。

巴打們，如果你預咗幾k可以生髮，咁你可以返去瞓覺再發下夢先，Perfect Hair一個半年嘅療程都係5位數字，不過比起而家市面上咁多間生髮中心，佢嘅半年療程應該都算係最平個間（如果唔係再同我講啦，我都唔係關注咗好多間，淨係叫得出名個啲我先知）。

療程過程就同師兄講嘅一模一樣（我有搵佢個顧問，根本無Hardsell我嘅機會因為我勁主動落搭），都係個啲嘢啦，洗頭、照軟激光、照燈同導入精華又注氧咁，同健身一樣，我都好堅持跟足療程個時間去做，從來無miss過一次！終於終於，皇天不負有心人，我做咗15次療程之後就feel到洗頭時無甩咁多頭髮！頭油少咗我覺得一定會嘅，始終成日都做深層清潔，不過唔甩頭髮先至係堅料呀！

我立即同師兄匯報返，師兄話，甩少咗頭髮就好啦，再堅持做多20次度啦就可能會見到本身禿禿哋、無咩毛嘅哋方有返新嘅小絨毛，到時洗頭記得記得要輕力啲呀......

收到，師兄！

生髮中心邊間好呢我就真係答唔到你，因為我只可以分享自己嘅個人經歷，每個人脫髮原因都唔一樣、體質又唔一樣。中藥生髮療程對我嚟講唔work，我上網睇有人話係因為大部分脫髮男人都係雄禿，係遺傳性基因令DHT比正常人活躍，阻礙咗ATP合成，ATP就係頭髮生長嘅能源，只有食藥、搽生髮水同埋做啲可以活躍ATP去刺激毛囊生長嘅生髮療程先幫到㗎......

想繼續跟進我親試生髮中心邊間好，做Perfcet Hair 髮神 F8生髮嘅進度就劉明啦。唔洗再PM我問生髮療程啲嘢啦，擺條LINK喺度可以自己睇下同登記試做：Perfect Hair F8 生髮療程