如果我喺十年前就認識BitCoin，情況到底會點呢? (本篇為廣東話發夢文)

剛才同@IF 傾計，講起「廣東話」文章，所以突然想試一吓用廣東話黎寫呢一篇文。

這一篇係今日下畫食飯時，腦海中突然閃過既一個想法「如果我喺十年前就認識BitCoin，情況到底會點呢?」我特登食緊飯既時候唔去諗，打算用一篇Matters，一邊打文一邊諗。算做係一篇發夢文。

呢一篇文，我又特登用廣東話黎寫。可能有好多人細個時睇港劇，聽著劉德華、萬子良或者周星馳做戲，好似好過引；又或者一邊聽Beyond，一邊都啍著「海濶天空」又或者張學文既「每天愛你多一些」。而又想學廣東話。

香港人既廣東話，會比廣東人既廣東話多好多助語詞，同埋無咁「白話文」。始終廣東人既廣東話已經有普通話既背景，用字都已經唔廣東了，變得中央化。澳門既廣東話都去緊呢一種情況，現時可能得返香港既廣東話仲未「白話文化」。

唔係香港人既朋友，睇得明，試吓睇；睇唔明，又可以試吓係留言度問。

我頭先係度諗「如果我喺十年前就認識BitCoin，情況到底會點呢?」

我第一次聽比特幣係o係 2012年既香港遊戲業理事會裡面，開會期間突然有朋友講起比特幣，當陣時我仲以為只係「遊戲幣」既一種。但係竟然要100蚊美金一個比特幣。我當期時覺得係一D公司出黎既遊戲項目，熱潮好快就會消除。怎知..... 怎知...... 竟然成為咗鑽石戒子一樣既珍貴。

我其實果陣時有諗過用 10000蚊港幣買比特幣來試一下，10000蚊港幣大約等於13個比特幣。不過，只係閃一閃，而無行動。

我係好兩年前，再遇返呢位介紹比特幣既行家，問一問佢手上仲有冇比特幣。佢竟然答我「冇了。 所有都賣出了。」我初初以為佢賣出了發達，原來佢係因為好多次比特幣上上落落時，因怕大瀉而賣出了。

我用在區塊鏈內容平台幾年，儲吓儲吓都有差唔多一個既比特幣，再加一大批內容平台幣(如LikeCoin)。有時覺得，反反覆覆咗成三年，其實都係好似三年前咁，只有一個比特幣咁大把。但係細心諗一諗，卻覺得自己若早早認識比特幣，可能生活上會比現時更潦倒。

這幾年，識咗好多係區塊鏈內容平台幾年時間既朋友，其實大家手上既比特幣都唔係好多，好多都是2-3個比特幣左右。反而手上大部份都係 Steem / Hive / Blurt 等等。

或者比特幣本身真係好似黃金，只有供應同埋需求既買賣定價，而本身無乜嘢可以重新創造價值。但係Steem / Hive / Blurt 就唔同，可以係內容平台上面，透過鎖倉 Power Up 同埋點贊帖子貼審查而增加貨幣數量。

若果，我一早已經有比特幣係手，係比特幣上升時，我的心應該會諗住「比特幣應該繼續升」，都係hold住唔好賣出。 但係，一當比特幣下跌時，往往都係好似食咗瀉藥咁「大幅度下瀉」。係呢一個時候，我應該會驚驚清清咁賣出比特幣。

呢幾年，比特幣時高時低，係20000美金最高低，都可以係幾個月前跌至二千幾美金的最低位。現時係一萬美金左近，但又感到想跌想跌咁。唉，若果我早早認識比特幣，而又手持住比特幣，果種感覺真係提心吊膽。

如果我早早就有比特幣既話，我估計應該會係咁樣「推演」：

就算過往咁多年手上有幾多個比特幣都好，可能最後，其實都係得 1-3個比特幣。因為升升跌跌既風險壓力很大。或者咁講，唔係我可以承受既那一種。

之但係，最近兩年儲既比特幣，卻又完全無上面呢種壓力感覺。最主要既原因，就係因為現時手上既比特幣，其實係用Steem / Hive 或 Blurt 生產出黎。情況好似「無成本」一樣。就係因為來源同原本用「真金白銀」買入好唔同，所以對「比特幣的升跌」並唔會太過在意。

諗到呢到，我突然覺得自己是最幸運既一批人。係比特幣從20000萬高位下跌後兩三個月才加入區塊鏈 (2018年3月)，又從幾個內容平台 (Steem / Hive / Blurt / Matters / LikeCoin) 整頓緊既時候加入。連續幾個時機，依家回想都係非常好，可能手上既呢D平台幣，唔夠最初初加入既一班人多。但係計算貨幣數量後，都算係Steem / Hive / Blurt 上面頭果二三百人。

而最重要，就係依家呢一個階段，我會比較平常心，默默咁儲幣，而唔會咁容易因為貨幣的大起大跌而亂了步伐。

依家就好似黃子華咁講，「升唔買」「跌又唔放」既呢一種「佛系擼幣法」。

呢篇文章既結論係，就算我十年前開始儲比特幣，最終手上的貨幣，應該都唔夠依家多。甚至中途已經落咗車，同埋會因為「大量炒炒賣賣貨幣既交易」而清空了倉，「就讓一切隨風」。