好哥哥

終於有時間抒發一下，不，可以說是表揚一下飯仔的表現。

哥哥這身份對於1歲多歲的他有點沉重，得知自己要成哥哥，他的最大願望是「妹妹可以快d識行路路，陪我玩Diesel ten 遊戲丫」（是火車追逐再跌落橋既game)

由大肚開始，一一己經心知我唔抱得佢，他也沒有埋怨太多。

記得出院那天，一一當晚大爆發，只有我跟他兩人既晚上，他不停哭，大叫，發脾氣，因我三晚都不在他身邊。我擁他入懷問他是否好掛住媽咪，擔心媽咪唔返黎呀？」一一大叫：「係呀！！！嗚.....嗚.....呀！」我之後拉起衣服讓他看我傷口包紥，跟他說拎左妹妹出黎勒，媽媽唔會再入醫院勒。你唔好唔開心啦！一一即時撲入我懷中，哭了兩聲便突然沉睡在我懷中。翌日他便滿懷期待等着妹妹回家！

當然，時間是分配不平均，因此都出現一般搶媽咪，搶玩具，突然破壞引你注意，突然唔識自己食飯要你餵，粗暴同阿妹玩，同埋咩都no 既情況。 但對於一個三歲要面對比人搶走媽媽甘大件事既情況底下，我好明白都體諒，雖然經常出現想大巴大巴車佢既感覺。

但飯卻一日一日成長，去學習做哥哥的角色。

1.一聽到妹妹喊就會沖去廚房通知煮緊飯既我

2.係甘打妹妹既小報告，例如偷食狗糧呀，熄機開機爸爸既PS4….

3.亦會同我講不如哄左妹妹訓教我地先出去玩，幫我熄埋房燈

4.教妹妹玩火車(雖然一定要跟佢既粗暴玩法)但可見佢有心想一齊玩

5.會同妹妹一齊分享妹妹既野食,哈

6.出街只要有唔識既人行近BB車都即大叫同趕人走

7.唔熟既人抱妹妹都唔比架

8.好多人問可唔可以比妹妹佢，一一都會拒絕

下刪一萬字

雖然會成日整喊妹妹，又會爭呢樣果樣，不過我知道你心中不可以無左妹妹既。

果D只可以你蝦佢，無人可以蝦佢既心態!

記得一晚….

我同一同妹在床上臨訓前既時間，你突然同肉講

飯:不如你快D行路啦?

肉:呀DADA

飯:你話好呀?係咪想同哥哥玩火車遊戲呀?

肉: (露牙肉笑)

飯:媽咪妹妹話好呀!

我:甘咪好囉，妹妹好想同你玩，你開唔開心呀?

飯:開心!妹妹會唔會老?

我:做咩呀?你想妹妹老?定唔想妹妹老丫?

飯:一一唔想妹妹老，唔想媽咪老，唔想爸爸老，唔想哥哥姐姐(波細)，唔想拔拔姨檬檬姨老，唔想拔拔老，唔想婆婆老，唔想麻麻，大姑姑二姑姑老….

我:點解呀?

飯:老左會死架…我唔捨得…我要一家人一齊既

我馬上擁他入懷，親吻佢既面仔，講左句I LOVE YOU

一一都回應左 I LOVE YOU , GOOD NIGHT

見到你一日一日既進步，媽咪好開心。

媽咪會陪你慢慢行呢條人生馬拉松

加油呀!