生活,心理,正向,樂觀,自由.... 文字給我力量去支撐這灰暗的世界 文字給我回憶和感恩的動力 文字給我一個樹洞 文字又給了你什麼?
何謂好?
自從做左阿媽後,發現網上都有很多資訊是關係到孩子。
小自初生有什麼照顧小技巧,大自如何考入名校等等,仲有更誇張就是要現在培養某方面孩子長大就會搵更多錢或成就會更好。
同時見好多朋友都會幫小朋友報很多興趣班,但我十分認同,因為玩好過在家中對住個電視。
另外都成日見到好多網上公審事件(關係小朋友),有D說話難聽過粗口。}
甘其實點為好呢?我不禁會問自己,究竟以家對飯仔叫好定唔好定唔夠好呢?
因為我懶,所以報唔切N班,只去玩PLAYGROUP
因為我認為錢都好緊要,所以我轉返做半職媽媽
因為我想返教會,所以星期六日都無報任何興趣班比佢
因為我想打波同搵朋友玩,成日帶埋佢出去悶
因為我無工人,返到家中第一時間都係做家務唔可以即刻陪佢
因為我成日都好眼訓,早過佢訓,佢要自己碌黎碌去訓
下刪一萬字我既不是….
不過我發現每個小朋友都是獨一無二
係我呢個懶阿媽懷抱中成長的飯仔,竟然比我想像中溫暖,獨立。
其實望到好多人都為左個小朋友都癲左......甚至慢慢同佢溝通唔到。
不過我明既,做阿媽所有決定都是出自愛小朋友的心,我又無權去批評人。
看著飯仔一天一天長大,愈來愈懂表達感受,開始去同理心別人
不禁都感到其實以家都幾好丫…
不過好多人都跟我說…一上小學我也會變質….
但願我可以保持初心,記得飯仔在出生時在產房中我跟他說的期望。
「一一,媽咪歡迎你黎到呢個世界,記得健康開心就夠架勒!」
不禁有一隻歌擁上心頭
「祈求讓你了解 自問成就我也不過是零
能維護你樂觀心境任性 談一次夢想追一次星
年月是冷酷 還是有情 仍樂於新一天馳騁」
其實係我心中,不管是對任何事人,現在的我
好…原來很簡單,就是一家人齊齊整整,只要係埋一齊就咩都唔怕。
希望飯仔來日都跟我一樣保持初心。
喜欢我的文章吗?
别忘了给点支持与赞赏,让我知道创作的路上有你陪伴。
发布评论…