「你唔係以為你自己唔怪呀嘛？」

「證明係你怪。」

「你係好多地方都怪。」

「終於有人可以話你知，其實我唔係怪物，你先係。」

「可能係你本身都屬於怪。」

「你係外星人。」

「同地球接唔到軌的氣場，人本身是好的。」

「你會唔會考慮返地球上 99.9% 正常人類嘅溝通方式？」

「你個磁場特別怪，專吸怪人。」

「喺你身上特別多奇人奇事發生。」

「你唔同我哋，你特別好運，特別多好人喺你身邊。」

「我哋不嬲都話你係唔正常㗎喎，講咗好多年啦！」

「你真係歐洲人（好運的人）！」

奇怪的人．不正常人類．外星人

關於我不是正常人類一事，我一直略有所聞。

一直以來，我也沒有認真放在心上，因為明明眼耳口鼻我有齊，相貎端正，四肢健全，智力正常，何來不正常之有？

何況之前聽過的說法也沒那麼直接地說我「不正常」，一般的說法都是說我的想法比較特別、磁場有點奇怪，經常運氣不錯，身邊很多好人待我好，同時也遇到不少奇怪的人，還有心智較真實年齡滯後很多年等等。

好人好事好運氣

我覺得自己身邊總是有很多好人好事發生，#好人好事系列 在我的人生裡沒有停止過，不是說我身邊沒有壞人或沒遇過不好的事情（點會無呢？），但比例上所佔的百分比實在是低。

這一點，身邊朋友大致並無異議，他們都覺得有些奇怪的好人好事發生在我身上就變得正常（即係話我本身奇怪同唔正常？）。譬如很經常的對白會是這樣﹕

我﹕「嘩！佢咁好人嘅？！咁樣幫我喎！」

朋友﹕「係你啫！又唔見對我哋會咁！」

讀書年代遇到的好人好事

譬如讀書年代，老師、同學總是對我很好。

幼稚園時，班主任會抱我在她的大腿上上堂；

小學一年級時，全班罰留堂，但老師說我除外，說因為我乖；

中二家長日，班主任問我媽咪﹕「塊壁佈板係咪好靚？你個女整㗎！」

我媽咪﹕「吓？角落頭有個窿都話靚？」

班主任﹕「佢費事開多張新嘅壁佈紙，節儉、環保係美德。」

媽咪反眼﹕「咁都得呀？」

大學時，有個女同學會每堂課都替我印筆記。甚至有次我收回改好的功課，發現有不是我的字跡，另一個女同學說﹕「我見你呢題無做，幫你寫咗先交。」（點會咁好？？）

就連讀日文 Postgrad 時，全部都是成年人，但都會有個女同學也是每堂替我印筆記，還有素未謀面的日本網友幫我做聆聽功課，後來我和前夫結婚一周年去日本旅行，這位網友還在橫濱訂了一晚窗口面向摩天輪的酒店房間，說送給我們做禮物，叫我千萬不要推卻。（真係好到想像唔到！）

我係一隻大頭蝦

我至少三次遺失了我的 iPhone，但都安然找回來。

遺漏在的士、遺漏在 lalamove 貨車上、遺漏在繁忙午飯時段的餐廳裡⋯⋯兩次司機收到我來電都截返把電話送回給我，那餐廳的職員也替我保管好我的電話。

有一次，我和兩個女同事去吃午飯，甫進餐廳，餐廳經理就說：「呀！有枝潤唇膏，應該係你上次嚟食飯留低，我幫你 keep 起咗。」

「潤唇膏？呀！好似係。」（其實對上嗰次嚟食飯已起碼一個月前，而嗰枝潤唇膏只係枝幾十蚊貨仔，唔見咗之後我已即刻買過另一枝）

我：「咁好嘅？咁樣一枝潤唇膏都幫我 keep 成個月？！」

同事：「係你先會遇到呢啲事。」

（呀，係呀，我成日大頭蝦漏低嘢，試過掛住同男朋友傾電話，買完豆腐花，俾完錢又找完錢就走，成碗豆腐花無拎到，結果又要落樓去拎返，別忘了我住唐樓六樓，上落來回十二層樓梯）

「好人好事」之例，還有試過在杭州要趕去火車站買車票去上海，但繁忙時間堵車又沒有的士，酒店大堂的經理竟然提出自己駕車送我去火車站，到了火車站還確保我買到去上海的火車票才離開。

這件「好人好事」事後被朋友說我太沒戒心、太危險，我才想到：「又係喎，對方唔一定係好人。」但至少這次最後證明那位酒店大堂經理真的是好人。

盲點

身邊那位他：「你好彩！但唔係成日咁好彩！可唔可唔好咁易信人，好唔好？」（好好好好好）

雖然他也覺得我是異常地遇到很多對我好的人，但總不忘提我地球很危險，到處都有邪惡的人，而且說我盲點也異常的大。

是的，我是很易看到別人的好，不好的一面，我總是有點盲，但不算全盲。

我：「佢頭先開會咁講好衰！」

好同事：「你唔係而家先知呀嘛？個個臨走 last day 都同你講叫你小心佢喎！」

我：「我之前唔覺，佢之前好似都有時係好？」

好同事反眼：「真係好想打你！係你先當佢朋友，記住呢個唔係朋友！只係同事！同埋係會放蕉皮跣你嘅同事！」

（我今年開始醒覺，係咪因為「四十不惑」？但可惜我剛辭職，醒覺得太遲𠻹！）

又有些時候，自己沒有那種想法就會以為事情沒有發生，此等修為勁過「掩耳盜鈴」。

又有些時候，自己沒有那種想法就會以為事情沒有發生，此等修為勁過「掩耳盜鈴」。

譬如身邊朋友說某某喜歡我，我一半以上機會是感受不到或覺得不能確認。其實想想也很正常，因為身邊本來的朋友都對我好好，超越朋友界線的那種好便變得沒那麼明顯了。

再者，我會覺得我不喜歡他，於是我會認為他其實也未必會喜歡我，或者覺得他喜歡我也與我無關，因為我都沒有喜歡他，然後會傾向相信甚麼事都沒有發生。（咁感情係雙向㗎嘛，唔係咁嘅咩？咁我都無鍾意人，結果都係無事會發生㗎喎）

我很多時候要過了好一段時間後才會覺得原來真有其事，因為當我一直沒有反應，那些人就漸漸遠離了或態度轉變了，我才會想之前那種好原來是有點弦外之音。

所以，有人問我說﹕「你唔覺得表白好無聊咩？」

我﹕「如果唔講明，我可能會唔知，我估我係要人表白嗰種先知。」

杞人開心，杞人憂心

想法方面，朋友有時也會覺得我的想法有點與別不同。

我會為很小的事情而開心、感動。

譬如昨天我想問有關機票的問題，忽然想起有個超過十年沒聯絡的旅行社舊同事，於是就問問她，然後她就自動自纓說之後會幫我處理，叫我不用擔心。

我﹕「你真好！我記得當年 honeymoon 個 trip 都係你幫我一手包辦！我咩都唔使搞！雖然而家已經離咗婚！」

她﹕「係咩？唔緊要啦！而家 airline 有好多變動，我幫你搞，之後有咩變化或者你有咩要改都唔使煩嘛！」

但有人卻說我會這樣忽然找一個多年沒聯絡的舊朋友，本身就是有點奇怪。（係咩？）

另一邊廂，我也會為很無聊的事擔心、糾結。

如究竟收到 message 後「已讀不回」會唔會令人很不開心？大家都說不會。但因為我會有這種感受，所以我也會想是否其他人都會這樣。不過也不是所有人已讀不會都令我不開心，主要是關係親密的人，如果久久不回，我會有點不安。

又譬如我辭職會否帶給同事麻煩？他們會不會覺得我捨他們而去？我可以在離職前做些甚麼事安排得更好一點？（但其實地球無咗我係一樣會轉，而事實上佢哋聽到我走係戥我開心咁，多過諗工作點點點。）

流落地球上

直至 2020 年，竟然有人說出我擁有與地球接不到軌的氣場，明言我不是來自地球，而是火星，或是 B126 星球。

原來我是流落在地球上？

好吧！

諸位地球人，我沒有火箭回鄉，流落期間，希望我好好學習一下地球人的風土習俗與文化。（乜都投訴一餐？防人之心不可無？誰大誰惡誰正確？各家自掃門前雪？）

算……