香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
再談創業路
對於近期創業中嘅你有冇繼續保持赤子之心（Stay Young)？保持求知若飢，虛心若愚 (Stay Hungry Stay Foolish)嘅心態？
做人如果只追求財務自由，想有暴發的財富，你的人生可以話係已經完結了。因為人生唔係淨係只有錢
只擁有財富並唔會受人尊重，要受人尊重就係要講內涵，而內涵就係透過千錘百煉嘅人生先會慢慢累積到的
正如我出社會學師時，師傅講嘅說話一樣：
「一個20幾歲嘅後生仔如果出到嚟社會覺得自己乜都掂，識嘅嘢比起其他同輩或者前輩都仲要多，對於人哋講嘅嘢全部就聽唔入耳。咁真係好對唔住，你嘅人生已經玩完，只係20歲死60歲葬。你未來嘅40年人生應該都唔會有任何變化，因為你拒絕改變。」
好慶幸自己當年跟到好師傅，一直教我心態上點樣每日進步。
對於我自己，求知欲係驅使我努力嘅最大動力。因為求知欲包括想知道自己有能力行到幾闊，幾遠，同幾高？
每一日有機會接觸到新嘅行業知識，同各老闆交流，去了解其他人成功或者失敗嘅經驗，對於我來講都好似喺遊樂場度玩一樣咁開心，因為呢d資訊都豐富咗自己嘅閱歷。
對好多人來講學習新事物覺得好疲倦，但係如果你可以將呢一種心態扭轉，我相信喺知識氾濫嘅年代係一個成功必要條件
無論係透過睇書，同朋友交流，定係上網去不停睇YouTube都係學習嘅一種。
但係最重要係學完之後，必須要身體力行先至係成功學習嘅真理。因為只有實踐先至可以印證到所吸收嘅知識係咪正確
Stay Young, Stay Hungry, Stay Foolish 係真理
對於我本人而言，創業每日都過得很快樂
#StayYoungStayHungryStayFoolish
喜欢我的文章吗？
别忘了给点支持与赞赏，让我知道创作的路上有你陪伴。
发布评论…