香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
Olympus 與費玉清 - 為slash世代服務嘅新經濟
今日主題嘅相機光學公司同呢位台灣老歌歌星本來風馬牛不相干，但係有一個共通點就係佢哋都係生於Analog年代嘅產物，步入digital 同碎片化年代，雙方出現咗完全唔同嘅命運
Olympus喺噚日6月24日宣布將公司旗下嘅相機業務賣出，以後全力專注於醫療設備等光學產品嘅研發同銷售
其實Olympus相機已經有84年嘅歷史，曾經係相機業界嘅一哥。經歷過相機菲林片時代，用Olympus Pen 同 OM-D 兩個series奠定品牌地位，亦成功克服到數碼化相機轉型，用復古風格成功捕獲好多年輕女性買入輕巧嘅Olympus 帶同相機到處留影。
時至今日，呢個老牌光學公司最終都被歷史巨輪淘汰
大家唔好以為係武漢肺炎呢一場天災人禍搞到Olympus 賣盤，其實呢個困局係全球所有相機公司都面對緊嘅問題。
因為自從智能電話出現之後，根本就係三個和尚無水喝嘅局面。
喺2019年，全球數碼相機嘅總銷售量只係1521萬部，對比起2010年嘅數據，當時全球銷售數量係講緊1億2000萬部。市場萎縮足足90%。
作為slash族，用一部電話已經可以直播視頻帶貨賺錢。仲可以一站式P圖，豬扒變女神，男人扮女人交友又得，女人扮男人又得，日日賺打賞。另外仲可以配合好多其他物聯網產品使用。
除咗專業攝影師之外，大部份slash族根本無需要買一部幾萬蚊嘅相機
至於64歲嘅「小哥」費玉清近日全球爆紅，佢不單止冇出過任何一首新歌，佢甚至係上年其實已經喺告別演唱會之後宣布封咪。
帶紅佢嘅係一首老歌《一剪梅》
唔好話外國鬼佬，就算連香港人都未別有聽過。
在國外的主流音樂平台Spotify上，《一剪梅》在北歐3國名列前茅，挪威熱門歌曲排行榜排第一，芬蘭排行榜排第二，瑞典第二。
讓費玉清「躺著成為國際巨星」，得歸功於一個”蛋型面”(Chinese Egg Man)嘅中國人喺tik tok 片用呢首歌做背景音樂，之後就俾海外網友創作出大量的「梗圖」(Meme/惡搞圖)，歌詞中「雪花飄飄，北風蕭蕭」意外成為歐洲流行用語 (Xue Hua Piao Piao )
碎片化經濟時代，會令到你致富嘅首要條件就係首先你嘅服務或者產品可以為Slash 族創造人流，創造價值，最終就係創造收入。
大家唔好再用”百年老店”嘅諗法去經營一個品牌或者個人形象，碎片化嘅年代好多個人財富嘅累積只需要一年或者半載就已經可以做到。
各位讀者要學會放棄以往固有嘅商業思考模式去擁抱新時代經濟。因為呢個年代費玉清可以生存，但係OLYMPUS相機將唔會再出現。
本文轉載自 ‘智慧社區 Wise Community’ Facebook 2020年6月25日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…