你睇斜陽照住嗰包風薄萬

無病呻吟7毫克/每支 鳩流流0.5毫克/每支

林一峰&MLA《為你含情:在動物園散步才是正經事》

發布於

最近心情唔太好,都係,咁嘅時勢心情會好就奇。煙駁煙嘅時候,聽MLA嘅歌更有feel。

不過,我今日要講嘅唔係MLA。

事先聲明,我唔係專業樂評人,對音韻一竅不通,甚至俾人話過五音不全。所以,千祈唔好對我寫嘅嘢太較真。

我認識林一峰嘅契機,要回溯中學嘅戲劇堂。當時戲劇阿sir帶咗我哋去劇院仔咁嘅地方,播咗套《馴情記》。睇完,喊到七彩。嗰陣同時任女友分手半年未夠,即使分手理由與同性關係嘅壓力無關,見到有(單戀)情人終不成眷屬,個心依然會揦住揦住地痛。之後,我歌單多咗林憶蓮嘅《微涼》、佢嘅《一支煙的時間》、《離開是為了回來》......

後來,亂搵歌嘅我誤打誤撞搵到My Little Airport嘅《北歐是我們的死亡終站》,本身對呢種近乎呢喃自語嘅歌冇興趣,但唔知點解,我越聽越上癮,後來,又俾我誤打誤撞地搵到佢哋cross-over嘅專輯《為你含情》。呀,兩班風格南轅北轍嘅人,撞埋一舊又幾正喎。

成張專輯,我最愛嘅係林一峰嘅《在動物園散步才是正經事》。佢獨特嘅唱腔加上阿P嘅填詞,比起Nicole輕柔嘅嗓音多了分滄桑,少了分輕快。Nicole俾我嘅感覺似係同愛人剛分手,遲遲搵唔到新歡而未放得低;林一峰嘅版本就好似拍咗好耐嘅一對突然散咗,一直放唔低,更冇可能搵新歡。帶點中國風嘅旋律,硬係令我對歌詞中形容嘅愛情故事自行添上中式愛情觀獨有嘅浪漫——願得一人心,白首不分離。我一路聽一路諗,歌詞中嘅佢仲記得我嗎?如果,我係話如果,我話你知,多年後嘅我仍會去紅磡近黃埔的商店,你會唔會憶起我哋嘅諾言,帶我流浪到海邊?

我間中仍會想我們會見面
在那間紅磡近黃埔的商店
你若然還記得那諾言
曾說今天我們流浪到海邊
你照片留在一封情信裏面
每一天仍是照舊看它一遍
我仍然還記得那笑臉
曾在當天我們流浪到夏天
我都曾寫你 在每天的日記
但放棄你卻像 再沒可能夢想
像一個沉悶的獨唱
你照片留在一封情信裡面
每一天仍是照舊看它一遍
兩年前遊過的動物園
來到今天我們流浪到那邊
我都曾寫你 在每天的日記
但放棄你卻像 再沒可能夢想
像一個沉悶的獨唱
但放棄你卻像 再沒可能夢想
像失去甜蜜的合唱

我至今仍覺得在動物園散步才是正經事。對了,林一峰嘅live版《在動物園散步才是正經事》將兩年改成了五十年。在動物園散步才是正經事,兩年前如是,五十年後如是。

喜歡我的文章嗎?
別忘了給點支持與讚賞,讓我知道創作的路上有你陪伴。

《雪糕車》﹒林一峰|【三碗細牛腩麵點播】十週挑戰|第三週

关于 “my little airport 催泪的滋味”

【三碗細牛腩麵點播】十週挑戰(5)|香港的時代之歌(MLA)

看不過癮?

一鍵登入,即可加入全球最優質中文創作社區