用科幻的腦來抗疫及準備促進經濟復蘇（五）連專家都話「我都唔知係邊種！」咁我哋點算！？！

用科幻的腦來抗疫及準備促進經濟復蘇（五）連專家都話「我都唔知係邊種！」咁我哋點算！？！

我個多月前已經提出去水道隔氣並非100%安全（還有少少漏水蒸氣風險），這兩天專家差不多算是親口證實了（但為何意見不早點拿出來呢），如果人們早少少意識到去水道縱使完好都有輕微風險的話，相信油麻地和麗港城的情況會好很多，為人為己，再次建議縱使你家的去水道係完好的，都搵個軟膠蓋蓋好它（尤其是冲涼時），詳情請看第一篇。

這次事件，專家又給我們出了個難題！

病毒究竟係從去水渠跑出來？還是從窗外經抽氣扇位跑進來的呢！？！

唉！這次仲慘！專家話「我都唔知係邊種」！咁我哋 D 閒家點算！？！

唯有用自己個生物中五程度的科幻腦估一下（我中六開始冇讀生物），估得唔好，請大家指點一下^_^

中五學生物蒸騰作用時，有個叫做微細管效應，大致上說管道越細，水氣就會升得越高，所以非洲原始森林的植物縱使係好高的，但蒸騰作用仍然可以發生。

相信專家講個煙通效應嘅道理係差不多。如果係咁，你話係水渠細定大廈外牆個凹位細呢！？！邊個煙通效應厲害 D 呢？

仲有，住過高層的朋友都知，樓層越高氣流（風）越大，麗港城雖然唔算太高，但頂樓氣流亦不少，咁高嘅位，有病毒都溝淡哂啦！如果病毒升咗十幾層樓，比 D 風吹來吹去，再係層樓出出入入，傳到你身上都領嘢嘅！？！咁你邊度都唔駛去了，搵個玻璃罩罩住自己過活好了！

還有，我就算你係病毒升咗十幾層樓，比 D 風吹來吹去，再係層樓出出入入，傳到你身上都領嘢嘅⋯唉⋯我算你真係咁⋯我想問一下，點解，D 病毒唔吹入八、九、十、十一⋯⋯樓，係要吹入頂樓呢下！？！

用機率計，八樓唔入，九樓唔入，十樓唔入⋯⋯要到頂樓至入！？！機率有幾多！？！D 病毒同你個頂樓有深仇了！？！

如果個故仔係（先聲明，我只係用個科幻腦估下，係一個一 D 都唔專嘅閒家），熱水（冲涼水）流入去水渠，渠內溫度上升，水蒸氣大增，渠內氣壓增加，中五所學嘅蒸騰作用效應在窄窄的去水渠內遠超過大廈外牆個凹位，渠內水蒸氣上升至頂樓盡頭更容易積聚，所以頂樓的渠口洩出少量帶病毒的水點的機率會比其他樓層更大⋯

根據以上種種看法，相信專家話唔知的，都有個機率大 D 嘅答案，當然，我唔係專家，給出的只係個人用個科幻腦去分析的結果，看官們自己分析下合唔合理。

不過再三提一下：

1. 隔氣就算完好，都最好用軟膠蓋蓋一下，尤其是冲涼時。尤其是頂樓。更加要注意安全！

2.另外，檢測病毒方法除咗撩下個鼻，同吐篤痰之外，是否要考慮一下驗屎呢？尤其係醫護，要加強保護。如果說油麻地很多水渠都檢到病毒，即是污水有一定的含病毒量，換句話說，屎⋯好可能係一個有效的病毒載體。如果係咁，每個入院病人驗下屎，是否可以多一重機會或更有效能找出隱藏患者呢？

祝願大家平平安安（尢其是前線醫護，靠你們了）