My little detour - 《再向西北移動》

係時候移動了， 由於我買左經濟巴士飛， 所以晏晝先起行到San Miguel de Allende。 本來諗住瞓晏d, 但都係7點幾自然醒， 唯有去食個hea早餐再執野。 唉! 越睇香港的新聞越嬲， 希望高官同的幫兇要得到懲罰。 

食完早餐執埋野我再出去行左陣， 見到有本Frida封面的黑白印刷書 （25 peso)， 諗住買嚟學下西班牙文都好喎， 點知老闆娘介紹左本彩頁雜誌我 （55 peso), 好心動， 但就算買都係行完返嚟先再買。 跟住我行左去步行街隔離嗰兩條街， 又比我見到有包食， 於是買左個pambazo， 原來個涵係薯茸， 唔怪得上次要雞肉會收多10 peso。 時間差唔多， 我買埋個包行返去， 點知行過見另一間檔仔都有frida雜誌賣， 仲要字又多圖又多， 滿足想收藏同學習的目的， 仲要49 peso, 所以忍唔住買左。

返到去check out完攞埋行李搭地鐵去巴士北站， 去到順手買埋8月11日由Oaxaca去San Cristobal de las Casas的巴士飛， 雖然同app見的價錢唔同， 心儀的22:30飛唔知無定貴左， 於是我揀左21:30飛， 合共460 peso (今次又無收service charge 喎）， 我仲問左取消係咪可以refund, 佢答我係。

完成任務， 走返去gate 5搭車， 又比左6 peso去廁所， 過埋安檢順利等車， 其實都唔知邊個係exact站牌， 係咁問人，有個婆婆好好周圍幫我問，仲送左張聖經書簽比我添。 最後車遲來了， 嚇到個心離一離， 好彩唔係miss左， 原來婆婆同我同一架車添！不過唔掂， 呢個時間竟然大塞車， 成個鐘都唔係行左好遠咋。最後我點半有多先到San Miguel de Allende。同車有個好好0既德人國女仔Sophia， 佢因為上車前受婆婆所託照顧下我， 所以落車後佢主動問我要唔要幫忙， 我話其實我慣左用body language都OK, 當然我亦非常感謝佢0既幫忙。 之後去到巴士大堂， 我走左去問巴士公司有關 Guanajuato 車嘅時間表同價錢， Sophia都有等埋我， 仲叫我一齊搭巴士去hostal添。 落車前講起佢話佢都去過香港， 我問佢去過邊， 佢話大佛嗰的。 我叫佢下次去的話話我知， 我帶佢行山。 跟住叫佢而家唔好去住， 濫權嘅green object好惡好危險， 然後又講到我眼濕濕....

跟住我地各自返hostal, 我同老闆娘講住多一晚， 合共342 peso, 再比多50 peso key deposit。 原來今日㕑房整緊工程， 佢話無得用住， 同埋明天變左輕食早餐， anyway!好彩佢都好helpful, 有講我知咩車公司去Guanajuato 平d，因為200 peso太貴了， 佢仲話可以幫我問時間表， 咁又唔使， 我明天預左出去問。

跟住上房放低野我就出左去， 可能係優雅的遊客區， 呢到唔多小販檔， 餐廳就比較多， 諗住去oxxo醫肚， 但佢地竟然無賣熱狗， 我就係隔離士多買左枝蘋果汽水 （14 peso)同係街食左個豬皮包就返去了。

已用：981 peso 

20 peso Pambazo 包

2 peso bread

49 peso frida kahlo magazine

460 peso occ bus ticket from oaxaca to san 

6 peso toilet

342 peso two nights

50 peso deposit of the key

8 peso bus

14 peso 汽水

30 peso Guacanayas包 （豬皮包？）