⎡邊緣回望後，滑進一界混沌，從不掙扎。跟自己的過去過不去，執著地浮沉著。⎦ Still hope／to hand stitch my book／of ups & downs on a tightrope.／No plan to elope／coz it just chokes.
Hot Toys 上的文武
Line Today 厲害呀，咁都可以撈埋嚟講。Hot Toys 當然有華籍員工，3D scan 嘅 技術又已經成熟⋯⋯不過設計部最大嗰個同埋批嗰位都唔係太在乎，始終係一個非電影官方嘅副產品。唔少土生土長嘅國家領導者都搞唔好自己嘅國家啦，咁就咪去質疑人地公司嘅團隊。又或者係有心整到爭啲爭啲咁，等華人社區多一個話題，brand exposure & awareness 嘛。嗱而家多咗人認識呢間公司，咁咪係成功囉。
既然硬係要找碴，我又畀少少愚見啦。個人認為問題係喺條嘴度多啲：
- 太扁。落得凡間有幾多問心唔係被貶㗎啫？
- 太平。天下都想有嘅太平。
- 太長。不過點都長唔過統治者希望擁有嘅帝位年期。
齋望條嘴，我覺得似尼古拉斯基治就真。
安妮維，基治蛋牛治單春治乜治物治，都總好過人治。點講都只係一舊冇生命嘅擺設啫，更加唔會拮到我啲肉。嗯，所以我冇有投訴㗎。
呢隻 Hot Toys，認真妙哉！
喜欢我的文章吗？
别忘了给点支持与赞赏，让我知道创作的路上有你陪伴。
发布评论…