dougowong

今次,我決定寫下湊仔經,亦會多啲用香港語寫文。 希望吸引到想學香港語既朋友仔交流一下。

善用科技,不要過份克制

好多人,會刻意同自己仔女做科技隔離,作為非專業IT人的我是覺得,在「元宇宙」內都有社交距離的時候,你又可以避得到多少?我認為,善用科技才是正道,教授兒女如何正確使用科技及電子產品就是王道!

小兒今年4歲,年中就5歲,佢生活入面一直都有接觸著電子產品。

BB既時候,有一個電子音樂轉轉玩具。玩到大約3歲。

1歲左右開始,訂閱左巧虎幼幼版。每天從電視播看1-2次。到現在還有在看,當然次數冇以前咁多了,佢生活入面有其他野吸引住佢。

2歲幾開始。因為疫情,買左部 iPad上 google meet。另外,因為又冇咩好做,另外開左個 YouTube 戶口比佢睇下片,亦正式比左部舊 iPhone佢成為左佢個人既 iPhone。

初時,會幫佢較定個時間倒數5至10分鐘去睇 YouTube,亦都教左佢自己一定要坐住特定既位置,打開燈先可以睇,佢而家都已經自動自覺。鬧鐘響鐘就要停,可能因為由細到大都冇唔比佢睇,YouTube有時個吸引力都唔會大得過一個好普通既氣球。

如是者,維持左差唔多一年。

有一日無聊去睇,iOS而家既然有 ScreeTime 功能,去 Log 低每個APP既使用時間,冇理由冇得 set limitation 既。一搵原來真係有。

本身,單純諗住只係 set 個 limit 每日只係睇40分鐘。咁岩,每近新年,而佢對錢既 concept 又愈來愈敏感,又咁岩我上網唔記得邊個朋友分享左外國有個爸爸,同個仔講,每睇頁書就比1蚊,而家佢個仔就日日咪書。我就加多個玩法︰「只要每剩低一分鐘,就可以有一蚊收到」

我只係比左個 Maximum Limitation 比佢,佢每日幾時睇,每次睇幾耐都係佢自己既選擇。

大家估唔估到個結果係乜?

結果係,佢而家要我教佢睇自己睇左幾多分鐘,而每一次佢自己打開個 YouTube之前仍然好自覺咁 set 個鬧鐘比自己計住自己睇左幾耐。佢另外都好成功咁「賺」左我三十幾蚊!

又係時候諗下D新計仔。

喜歡我的文章嗎?
別忘了給點支持與讚賞,讓我知道創作的路上有你陪伴。

CC BY-NC-ND 2.0 版權聲明
1

看不過癮?

一鍵登入,即可加入全球最優質中文創作社區