棄買預訂抗疫物資

近日見好多在新年前後幫大家撲口罩/搓手液的網店店主，出文講被用完即棄當condom感受，有店主表示已經退錢，但好無奈。

之前話先給錢無現貨的賣家可能係騙徒，但現在我見到另一面，訂了貨都要求退錢，而且理由係自己買到平貨/買夠/唔得閒拎......(全部理由都不是店主問題），我翻查個價，其實算合理，尤其我當時有到網店及向外國友人查詢，幫家人/朋友撲貨，外國的貨架都被清空，網店都缺貨，大量中國人高價搶購，好多唔係賺大家好多錢，甚至真係成本價。

我反而會問，真係賺你好多，炒到好貴，無良心既賣家，你要佢地退錢，我認為好難,有心賺炒價一定唔退。

最後，大家因為連鎖店或行貨返貨，覺得買貴左就棄單，如果我係店主，我就一定唔退，講左貨期同價錢，錯不在自己。

做人最緊要負責任，今次疫情，好多商人藉機賺取暴利，但同時好多有心人幫大家撲物資，大家不負責任，下次有心人未必會再出手。