黃偉國（Benson） 學者？知識份子？香港人！鍾情於文化政治，看破看穿看透世事，原來只是一場遊戲。
紅線？紅你老＿個腫爛臭＿！
- 讀中國研究，有唔少政治術語要識。最近有一個開始被親北京派用到爛爛地的，叫做「紅線」。
- 記唔記得細細個果陣，老師覺得你的書法唔靚、覺得你的答案錯，甚至是覺得有嘢唔順眼的，就會用紅筆劃線劃圈劃交叉。到了大個咗做中學老師，其中一間學校的規矩是若果同事遲到，校務署的同事會在未遲到同事簽名與遲到同事簽名的中間，劃一條紅線：紅線上的同事無遲到，線下的同事遲到。操作紅線正是發揮權力的手段，政治也。
- 紅線也可視為政治禁忌的同義詞，可指不可以超越，不可以提及，不可以觸摸，要保住條命仔，你就要收聲兼收皮。換言之，你與紅線拉上關係，註定無運行，註定行衰運，註定行行下街都會俾人打俾人問候老母，註定當權者可以無紅線咁點攪點侵犯你都得。總之，你發現就算你講的嘢幾啱幾正確，甚至有如你坐車果陣明明前面是懸崖你大大聲叫個司機要停車，但係個不單只個司機同其他乘客唔聽，仲要在途中抛棄你，任由你自生自滅。當然，架車、司機及在坐乘客的下場係點樣？一定唔會係過住開心快樂的生活！
- 紅線依家嘢，只有中共講，唔會有你講兼有理講：中共講在中国共产党社會主義的英明領導下人人都係獨立個體得以解放，得！你講香港人講做香港人要講獨立自主唔依賴阿爺，禁！！
- 用紅線打擊政敵及作為政治鬥爭的手段，其實亦算平常，例如一講反貪腐，除咗習帝皇朝絕對唔提得之外，其餘的中基層地方官打貪腐，咪由得佢任講任報。
- 因此，對於操作紅線的人來說，最懼怕的是依條紅線被用嘢綁翻自己，玩綁人結果自綁係一件好正的事。等於淥百狗、前痔瘡發言人加埋柒奶媽針對國際記者俱樂部事件，同一個身有屎攞然後攞自己D屎撥出去做搞屎棍一樣，若果大家一齊開傘，結果D屎又撥返去佢身邊自己食屎！嗱，就係攞依個比喻，眾人用民間智慧玩翻佢轉頭。
- 最後，要利用紅線玩反政治話語權，有以下建議：（一）要捉對方痛腳；（二）用紅線綁實佢對腳；（三）對家用紅線綁你，你用紅線綁佢條頸；（四）當你佔上鋒的時候，勁用紅線玩爆佢，玩都佢連鳩都縮埋。
喜欢我的文章吗？
别忘了给点支持与赞赏，让我知道创作的路上有你陪伴。
发布评论…