貓客棧

今次《角醒》很開心到位於大角咀橡樹街的貓客棧進行專訪，而這天的貓客棧有老闆Brian和員工Mandy，以下是專訪的內容：

M：《角醒》記者Matt

B： 貓客棧老闆Brian

M：「您好呀Brian，想問吓其實你地貓客棧係提供咩類型既服務？」
 B：「貓客棧本身是一間俾貓住既酒店，其空間大啲，讓貓的活動範圍多啲，是第一  間地鋪酒店型式的貓酒店，希望讓客人有煥然一新、特別、舒服的感覺。」

M：「您在哪一年開始在大角咀區內開業？現已有多少年歷史？」
B：「舊鋪愛貓樂園在博文街2000年1月1日開張，距今已有21年，而橡樹街貓客棧新鋪就開張了2年。」

M：「點解會揀喺橡樹街開第二間鋪？」
B：「喜歡橡樹街這鋪位是貪其靜中帶旺，環境舒服。而我們的舊鋪只得200呎，空間太細，而新鋪比舊鋪大5倍，接近1000呎，可提供足夠空間讓客人和貓相處和玩，加上兩鋪相距只有5分鐘路程，可以互相照應，所以選擇了這鋪位。」

M；「點解會選擇開兩間和貓有關的店鋪？貓對您有咩吸引力？」
B：「我自細已很喜歡動物，而太太結婚後就學習了貓咪照顧，之後便輾轉開了第一間鋪。我地屋企本身養開十幾隻貓，我們也有個兒子，他已有19歲，也是由細到大都與貓相處。我地覺得貓咪都是家中的一份子，也希望讓客人看到貓咪可愛的一面。」

M：「可否透露一下，除咗現存嗰兩間鋪，請問閣下未來有咩發展大計？會否在區內再開多間？」
B：「待社會風氣和環境回復正常，我地會考慮在區內開多一間鋪，甚至成為大角咀區內的旅遊景點，吸引多啲人黎大角咀。」

M：「您有咩想借《角醒》呢個平台想同街坊講呢？」
B：「大家對於貓有咩問題，都可以WhatsApp或者直接過黎搵我地幫忙，因為我地都希望幫啲客人應使得駛使，駛使得精明。」
M：「即係唔養貓，都可以黎玩貓？」
B：「係，同啲貓相處吓先，睇吓鍾唔鍾意貓、會否對貓毛過敏、有冇時間養貓等，經過深思熟慮後去決定養唔養貓，會比較好。」
M：「多謝您今日接受我地專訪。」
B：「唔駛客氣。」

店鋪環境一覽：