90後港媽,同老公一齊,爭幾球街數,求其搵個地方,簡簡單單俾我呻2句.
行吓抖吓
人生本來就係行吓抖吓,不過行得太耐,或者抖太耐,就好易失去平衡.
最近真係想抖多啲,除咗陀住對孖B,同第1胎得1個比較,呢次真係好快攰,實實在在咁攰,呢幾年Keep住做運動,應該唔係體力問題,而係孖胎真係會消耗更多體力,大概行40分鐘,就一定要坐低抖幾分鐘,我估計過多2個星期,會失去連續行半個鐘呢個技能.
因為細孖Size唔及格,但大孖又大咗少少,結果醫生叫我食多啲又唔係,抖多啲又唔係,我相信我係需要抖,但我真係想Keep到隻腳,到生嗰時都仲有啲力,老實講,而家可以行吓嘅機會唔多,日頭返工放工,停車場去到停車場,返到公司就坐足8個鐘,Lunch出去叫行少少,夜晚放工返到屋企,陪仔玩,又係坐.
可能嚟緊試吓,朝早5點起身,出維園行吓都好,有得行有得抖就最好了.
喜欢我的文章吗？
别忘了给点支持与赞赏，让我知道创作的路上有你陪伴。
发布评论…