2句

話說上星期重裝部電腦,要裝返隻Google Drive File Stream,入去呢個頁面下載,點知佢個Mac版都仲係.exe,好在轉去英文頁面,就搵得返個.dmg檔.呢次重裝,因為真係想鏟走舊App嘅暫存檔,冇用Time Machine搞,倒返轉,重裝個Mac OS後要將個T...

部電腦裝落太多軟件,但又冇好似Win咁,裝隻Uninstaller落去,然後好多App又流咗好多,唔知咩Folder喺到,但最後鏟走隻App後,就仲會剩返好多鬼嘢喺部腦到,最後頂唔順,成部機重裝過就算,裝機前整理吓到底有咩一定要裝落部機到,最後就係呢堆軟件...ChromeGoo...

細孖都仲係未合格,不過計出嚟個體重,一路有升,醫生都放返輕鬆咗,同埋應該都係盡量37週後先生,但呢次呢,因為近產道嘅大孖,都係平訓,冇咩頭向返下面嘅跡象,因為孖嘅關係,通常都未必夠位轉身,所以呢次多數都要捱一刀,唉,個肚皮以後唔見得人嘞.嚟到31週,而家先啱啱開始執走佬袋,第2胎...

今朝返工,一出停車場,發覺落緊太陽雨,出車嗰吓已經諗緊,條路會唔會好跣,點知未到珊湖閣,就已經有部的士插咗落山邊.

呢2日差唔多放工,開Cam望一望,全屋閂曬燈,個仔自己一個,坐咗喺客廳中間,發呆.問姐姐點解呢幾日唔開燈,佢話我個仔唔俾佢開燈,連姐姐喺廚房整嘢都唔俾佢開燈.唔通,我個4歲仔,終於想為呢個美麗嘅地球出一分力,熄燈慳電?我問佢,做乜熄曬燈坐喺到.個仔就話要玩嘅玩具都玩曬,要睇嘅書都睇曬,所以坐喺到.咁點解要熄燈呢?

有首詩歌叫《誰曾應許》,唔知邊個作,但每次聽到,我就諗起天父,必定無時無刻數住我有幾多條閪毛.有段日子,貪靚,會著好低腰嘅3點式游水,試過修過比基尼線,甚至全褪,後者真係唔敢再試,因為去洗手間會Pee到周圍到係,老實講嗰段日子,體驗都唔係太好,尤其是生返少少嗰時,完全冇曬美感.點...

同老公2條友,2015年都遇著份仆街工,每日返工就好似返戰場咁,個腦永遠諗緊下一秒,唔知邊到有子彈會飛埋嚟,你知道無論你戴住頭盔同避彈衣都冇用,因為班仆街手上,仲有千千萬萬種唔同類型嘅武器對付你,最後你只可以搵返把刀仔同人死過,由細到大真係未入過戰場,頂咗3年最後先遲咗份工,我覺...

老公2016年開鋪,最早期做非光學對焦系統,一般嚟講,9成對焦系統,都係用相位,對比同紅外線是但一個,或者交替咁用,但對住物件多,移動速度快,或者太光或太暗嘅環境之下,暫時就未有其他對策.當時呢套非光學對焦系統,需要喺被拍攝嘅物件,或人身上,貼一塊發射器,攝影機端就加一個接收器,...

尋晚11點幾,阿媽喺手術室出返嚟,一切指數正常,今朝睇佢,暫時腦壓冇咩問題,要等多48小時先知會唔會腦水腫.

同公司申請咗喺醫院做嘢,因為有個Project,呢幾日要交上去等審批,我又唔知幾時開始請產假,所以老細唔多想批假,都好,反正坐醫院等阿媽做手術,我都係冇咩嘢做,不如拎住部電腦做嘢好過.而家份工,唔算忙,唔算多會開,老細唔算衰,難就難在,要處理下面嘅人事關係,呢個係好公司通病,通常...

阿媽今晚6點推入手術室,我3點幾就去到醫院陪佢,咩都唔想諗太多,盼望一切順順利利.

上星期6,阿仔個泳班開返,呢段疫情期間,個泳池大裝修,最緊要係光猛咗,以往成個池邊坐滿曬家長同工人姐姐,呢日得返9個,池入面嘅學生又係9個,教練加埋救生員,仲有場務超過10個人,今時今日真係生意難做.同其他家長傾計,我哋就好似現代嘅牧羊人,每個週末就喺到趕羊仔,去學呢樣,學嗰樣,...

今日出太股坊開會,Lunch就約咗個舊同事,喺康怡廣場食Mr.Steak,呢排對腳,水腫越嚟越勁,本來放車上面,上車揸車著嗰對鞋逼得濟,結果食完飯,走上2層,去咗專賣學生鞋間Dr.Kong,買咗對著落幾舒服嘅鞋,個款就真係抱歉少少,不過放車入面著就算.

有時做人新抱,有時都好撚慘.呢排阿媽腦瘤入院,今日做手術,尋晚喺老爺奶奶屋企食飯,成家人7嘴8舌咁,又話個醫生唔夠班,又話叫我阿媽即刻轉院,大家好意,真係心領,屌,為咗食呢餐飯,我已經冇得陪阿媽,你呢邊成家人,講到我成家人都係白癡咁,求其搵個醫生想攞自己阿媽條命咁,我點樣一晚之間...

從GRIII跑到ZV-1,因為Sony的對焦,真的太犯規了,比較小的Sensor,配上光圈更大的鏡頭,Sony的景深,似乎沒弱掉,最不滿意的反倒是,充電線從USB-C,回到原始的Micro,有點煩耶,家裡跟車上,本來一條USB-C充電線就好了.

放工又去探阿媽,成家人一致贊成,要請多個工人姐姐,夜晚即刻搵咗6間Agency,撇開先唔講請當地,或者斷約工人,淨係搵完約工人,疫情後最快都要個半月,加上無論而家飛到過嚟嘅印尼姐姐,或者過多成個月先可能過到嚟嘅菲律賓姐姐,一飛過嚟就要家居隔離14日,即差唔多要白白俾多半個月人工,...

阿媽尋晚漏夜左邊身痺,老豆以為佢中風,即刻去港怡睇咩事,幾個阿哥同家姐又過去睇住,因為我大住個肚,所以今朝先Whatsapp我,去到啱啱出報告,發現唔係中風,而係腦膜瘤,已經大到6cm,所以頂住腦入面,負責控制手腳嘅部份,所以有少少似中風,暫時指數上唔係惡性,都只可用外科手術切除...

人生本來就係行吓抖吓,不過行得太耐,或者抖太耐,就好易失去平衡.最近真係想抖多啲,除咗陀住對孖B,同第1胎得1個比較,呢次真係好快攰,實實在在咁攰,呢幾年Keep住做運動,應該唔係體力問題,而係孖胎真係會消耗更多體力,大概行40分鐘,就一定要坐低抖幾分鐘,我估計過多2個星期,會失...

身體早已7癆8傷嘅我,應該得返個繁殖功能,勉強仲用到,至少呢一刻,肚入面仲陀緊對孖B.頭先同個教會姊妹食Lunch,我大住肚自不然,傾吓女人嘢,佢話個仔俾人問有冇兄弟姊妹,佢好唔開心(但其實會唔會感性得濟),因為覺得個仔好孤獨,然後佢2公婆,試幾年都未有第2個,世事就係咁,我唔想...

頭先返返吓工,個4歲仔打嚟,話佢已經咩都做曬,好悶!返緊工嘅阿媽,到底可以點幫佢呢,所有玩具都玩曬,唔俾睇電話同Pad,工人姐姐又冇咁好心機,全日陪住佢玩.疫情之下,個個都慘,尋日又話同一動新增幾單,社區爆發;然後因為請咗新姐姐,因為嗰邊封城,所以乜文件都做唔到,到前排Agent...