TheMatters

LikeCoin共和國馬特市新移民,Nano IT dog,略懂Excel Macro & Powershell。不諳寫作,日後會嘗試DIY IT小工具以供分享

扮工神器

發布於
Excel functions 取得Crypto or 股票現價

唔知大家有冇扮工嘅需要,有嘅話希望今次嘅Excel 小工具啱用。

有投資股票或Crypto 嘅朋友,正常都會關心自己嘅資產。要睇睇資產價格,當然可以上web睇apps。專業嘅話,可能有投資經理或課金apps代勞,資金少又老餅嘅如我,最多只係用吓Excel or Google Spreadsheet,manual update吓現價,再乘coin or 股數,最後加埋總數就算。

從web or apps manual update現價絕對係煩,雖然新版Excel or Google Spreadsheet 都叫有工具update 股價,是否合用就交畀大家研究,個人就覺得廢廢哋,所以最後都係自己攪咗呢件扮工神器。

事原其實先要多謝Makzan,係佢inspire咗我整扮工神器。作為新Matters市新移民,今年10月加入,1個字曰… 懶!比樹懶更懶!早前寫咗兩篇matters 文章,Makzan追蹤咗小弟,我亦不客氣反追蹤,見Makzan有一篇文章” Python 與 JSON API 應用入門:使用 Python 取得現時 LikeCoin 幣價” ,教用Python 從CoinGecko 取得coin 價,真心正!

Python 於我新手都不如,但尚可以睇得明,所以我就唔客氣攞個concept ,convert 咗佢做Excel Macro,最後做成扮工神器,送禮自用。

廢話到此為止,先從https://arweave.net/xuSfNEceTfpN7L08tVl3U1E76Q8CDTUehKIyhZ5DDnE download 扮工神器,unzip後打開打開“扮工神器.xlsm”,click Enable Content。

扮工神器內有兩張worksheets, 我哋先用MyPortfolio講解,Coinlist容後再說。

首先,A2到A4輸入幾個關心嘅Crypto ID,如bitcoin, ethereum & likecoin,跟著喺B2輸入formula“=CoinGeckoPrice(A2)”,enter之後等一等就會出現BTC喺CoinGecko 嘅現價。

喺 C2輸入手上有嘅BTC數目,再喺D2乘一乘,完成一行。

之後如想check BAT嘅價錢,可以去第二張worksheet "CoinList"度,B column 輸入BAT落 filter ,揾到BAT嘅ID喺basic-attention-token,copy 個ID 到MyPortfolio A5。

跟著copy B2至D2,paste 到B3至D5,修改一下數量,基本完成。

扮工神器除咗有formula CoinGeckoPrice() 照顧Crypto 用家,同場加映formula BloombergPrice() ,用法同CoinGeckoPrice() 極相似,只要輸入股或指數嘅ID便可。

以下例子有Dow Jones, Tesla, Netflix, 恆指& 港交所,注意388以港紙計算,not USDT。

Excel 勝在flexible,稍微改改,HKD計價都no problem at all。

最後,請注意CoinGeckoPrice 又好,BloombergPrice 又好,背後有fair use policy,扮工神器雖然有Refresh 掣,但唔可以一次過update 太多現價,太多嘅話會出事。希望今次可以幫到大家扮工,覺得正請随便分享!


Reference

Python 與 JSON API 應用入門:使用 Python 取得現時 LikeCoin 幣價

https://matters.news/@makzan/python-與-json-api-應用入門-使用-python-取得現時-like-coin-幣價-bafyreifupall2254neimmbaees6p36n4pf6fv7glaoiftimuy2f72cxybq

Pulling Stock Prices into Excel by Formula (VBA code provided)

https://www.thoughtignitor.com/finance/stock-prices-in-excel-by-formula/

json parser

https://github.com/VBA-tools/VBA-JSON

VBA-Dictionary

https://github.com/VBA-tools/VBA-Dictionary

喜歡我的文章嗎?
別忘了給點支持與讚賞,讓我知道創作的路上有你陪伴。

CC BY-NC-ND 2.0 版權聲明

Python 與 JSON API 應用入門:使用 Python 取得現時 LikeCoin 幣價

使用 Pyto 將 LIKE 幣價放到 iOS 主畫面(及使用 Siri 語音觸發)

AllForOneEx

8

看不過癮?

一鍵登入,即可加入全球最優質中文創作社區