到底外傭姐姐係一件好事定壞事

唔知各位細個有冇請過外傭呢？我自己就有喇仲記得喺好細個嘅時候,屋企突然間多咗一位同我不論說話方式,定係膚色都爭好遠嘅姐姐,開頭都有啲驚㗎但係過咗一個月兩個月就同呢個姐姐玩得好熟,平時嘅時候佢就會帶我出去遊樂場玩呀,又會接我放學仲會煮飯畀我食我嘅功課考試佢亦都會監督我,到星期六日嘅時候爸爸媽媽就會自己照顧返我仲成日會帶我去唔同嘅遊樂場同埋公園,仲記得六七歲嘅時候我同姐姐同埋爸爸媽媽一齊去迪士尼樂園嗰陣時真係玩得好開心！但越長大屋企開始發生變化,我自己開始識得照顧自己,識自己煮飯識自己晾衫外傭姐姐都話佢準備退休,有時真係會有啲唔捨得。分享呢一個我細個嘅故事,原因並不是單單表達出我好唔捨得佢,而係感謝喺我生命一開始嘅時候有一個好重要嘅一個好似屋企人又唔係屋企人嘅外傭姐姐去照顧我,對世界一開始嘅探索保護我,甚至我喺學校遇到啲乜嘢我都會同姐姐同媽媽講佢哋會一齊商量幫我處理,今日從來都唔係話外傭姐姐係完全冇問題,但的而且確嘅係外傭喺一個兒童嘅成長階段確實可以給予好多好多好多嘅幫助,確實有啲人會認為外傭姐姐同兒童會形成依賴,哎呀會點樣破壞親子關係,但有有冇考慮到其實如果一個健康嘅家庭孩子往往係最理解最清晰邊個先係佢真正嘅爸爸媽媽,邊一個係平時照顧佢嘅外傭姐姐,其實一個真正健康成長嘅兒童,一定係需要外傭同埋父母合力去照顧,真正影響一個兒童嘅成長往往係爸爸媽媽點樣去做,點樣去對待自己嘅親生孩子,唔會係一個外傭可以去改變到嘅嘢,仲記得細個睇電視成日都會見到嗰啲爺爺嫲嫲同爸爸媽媽會嗌交,呢件事係我哋屋企從來冇發生過,姐姐係我成長嘅階段令到我爸爸媽媽安心放心令到爺爺嫲嫲唔需要頻頻撲撲,確實我呢一位姐姐由始至終都冇變過有時候有啲好難嘅中文佢依然都係唔識講,有時候望住我又會好開心咁笑,但係我明白一個道理珍惜眼前人,望住外傭姐姐面上面嘅皺紋先發現原來佢係我成長過程中真係畀咗好多幫助而佢亦都喺度成長緊,佢成日都會話先生你就好似我一個冇血緣關係嘅孩子咁樣,十幾年感情確實唔容易最後喺呢度想同呢位照顧咗我咁多年嘅姐姐講聲多謝！