香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
地盤生活之日常 (吉卜力工作室meme圖)
*圖中包含大量粗口，請勿見怪
唔好以為地盤佬大聲講嘢又無禮貌又粗俗又惡，其實地盤佬講粗口一般都只係助語詞，而地盤又大又空曠，唔大聲講嘢鬼聽到咩，仲要好多年紀大嘅工友真係撞聾，企喺隔離講嘢都聽唔入耳。
所以講粗口都有潛規則，永遠唔好問候人哋家母。因為出嚟辛苦搵食都只係想養家，其實地盤佬好多都好孝順顧家，所以一問候家母就肯定打大交。
同埋地盤一般都好直接，唔會轉彎末角
地盤又曬又熱，個個都希望快手講完做完就收工啦，但係偏偏好多文人做嘢成日諗前諗後，又要拎approval，又驚有鑊氣，搞到d嘢成日做完又改。
所以地盤工友勞氣係好正常嘅事。
仲有一點就係地盤好多工友，甚至管理層表達能力都唔叻，唔加粗口助語詞真係連一句正常句子都講唔出。
曾經有位工友同我傾工作安排，我發覺一句10個字講得完嘅說話，位工友要用30個字先講得完，當中仲有20隻字係粗口，最搞笑係我嘗試抽走嗰20隻粗口，我發覺剩低嘅字係無辦法砌返做一句句子。所以話廣東話粗口真係博大精深
Source: 港澳小不同
本文轉載自 ‘智慧社區 Wise Community’ Facebook 2020年9月24日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…