香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
逆向教育年代，新決策權的誕生
近日和教育界人士討論STEAM教育和應用，發現香港的教育制度亦都開始慢慢接受變化
有部分老師和校長都深深感受到科技應用和創新思維係由下而上，並非由上而下
同一件Gadget交比小朋友摸索用途，比起由老師指明件Gadget點用更能夠啟發創意
新時代嘅轉變有一樣變化係特別明顯
就係decision making 嘅人唔再係父母，而係新世代
唔知各位讀者有無發現自從無咗晚間堂食之後，外賣盛行，好多家庭叫外賣嘅時候都係由子女拍板去決定叫邊間，因為Deliveroo 或者FoodPanda嘅外賣app大部分父母都懶得學
藍父母可能好簡單想叫個叉雞飯食，最終送到嚟嘅時候可能係某間黃店嘅外賣，無啦啦振興埋黃色經濟圈都唔知
又或者老豆行過百老滙見到某電視做緊特價想買，返到去問個仔屋企部MyTV super裝唔裝得到，下一秒可能個仔已經幫老豆上Price.com.hk搵咗部又新d，又平d嘅機，仲上埋HKTVmall 買埋，比咗錢王維基賺都唔知
呢d變化每日不知不覺中發生緊
所以點解d品牌同新世代對抗直頭係自取滅亡
新世代對世界嘅價值觀同上一代好唔同，上一代大部分長輩做決定通常只會向錢看，但係新世代會考慮好多其他因素，例如品牌形象，公民意識，環保，政見，該品牌相關嘅合作夥伴形象等等。錢只係其中一個考慮因素
大家要多留意身邊微細嘅變化，比多d機會年輕人，自己亦要開放自己嘅固有思想意識，擁抱年輕一代一齊向前行
喜欢我的文章吗？
别忘了给点支持与赞赏，让我知道创作的路上有你陪伴。
发布评论…