香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
克己復禮-陽光洗衣店
今日有幸見識到洗衣業界嘅表表者”陽光洗衣店” 創辦人- 黃達強先生嘅全自動化工廠，實在係非常榮幸。
今日嘅參觀除咗認識到高質量嘅企業管理文化之外，仲親眼見識到傳統工業科技化嘅轉型，同埋點樣以身作則咁去做到家族精神的傳承
其實過往咁多年，因為做建築呢一行經常要出去採購，除咗我自己經營過工廠營運，亦都去過無數咁多工廠參觀，包括中國，日本，台灣，馬來西亞，希臘同意大利嘅廠都有去過
可以講一句，今次呢一間洗衣工廠嘅參觀，真係令我獲益良多，大開眼界
因為我知道受香港嘅現代法規所限，要起一間咁嘅規模嘅廠房，依足法規程序去做嘅話，背後付出嘅精神，心血，時間同金錢都係無可想像的
正所謂見微知著
成條生產線同埋工作車間可以做到近乎一塵不染的效果，亦都喺生產線上投入近乎全部自動化運作，亦都喺流程上加入RFID 技術可以減省人手追蹤衣物數量及位置嘅流程。
可以睇得出佢前期嘅計劃部署入面，花咗大量心機去策劃流水線嘅布局，因為流水線工序一錯，以後要改就好大件事。
難得嘅係見識到香港仲有以身作則，務實，以人為本嘅實業家老闆，每一步都係down to earth 嘅行動一步一步咁行出嚟。
坦白講，我見過好多大老闆講好多大理論，大道理，但係最困難嘅就係execution 落地嗰部份。
因為落地執行係最沉悶，最無聊，最折磨，最周而復始嘅行為，係一d都唔型嘅工作。甚至可以話係最要求discipline 嘅工作。
通常就係廠佬同實業家先做得到嘅工作。
難得見到黃老闆同黃太太用非常開明嘅心態去營運，有非常靈活嘅頭腦同廣闊嘅視野去引入新科技，用創新嘅方法去營運開托一個非常傳統嘅行業，呢一個真係非常難得
佢哋嘅囡囡Helen亦有分享佢對父母同企業文化嘅感受。言談間已經感受到佢已經盡得父母嘅精神傳承。
好開心喺呢間廠感受到失傳已久嘅香港精神
祝願今日有份出席參觀嘅朋友們可以吸收到”陽光”呢份香港精神，再帶返去自己本業發揚光大
本文轉載自 ‘智慧社區 Wise Community’ Facebook 2020年6月17日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…