香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
2020年的Nifty Fifty
全球股市受到疫情嚴重影響，全部都曾經出現大規模跌市，但係美國股市已經收復失地，Tesla都已經突破1000美元大關
今次股市嘅走勢，賭仔跑贏股神，巴菲特都喺低位放咗好多股票，正式係還富於民
用正常邏輯去睇個市，輸死未天光
傳統行業衰落，股票市場過份集中某幾隻科技相關嘅明星股，例如Amazon, Tesla, 騰訊，Nvidia, Google, Microsoft, Apple等等
成個畫面就好似1960年至1970年期間，當時資訊冇咁發達，但係普遍市面都相信有50隻非常之有前景嘅公司股票，統稱叫做”Nifty Fifty”。
你無需要知道嗰間公司實際營運係點，總之個個都話只要長揸就會發達
事隔多年呢50隻股票入邊只有好少部份跑出，如果當日長揸去到今日，你手上嘅錢最少會輸一半
當然歷史唔會完全重複，今時今日科技亦都的確霸佔左我哋日常生活嘅大部份，所以市場認為重手投資落去科技相關股票亦無可厚非
但係到底呢啲科技公司要用幾多年嘅實際營運先至可以賺得到佢而家嘅市值，大家有冇諗過？
正正就係科技日新月異，你永遠唔知道幾時爆出一啲新嘅科技會取代而家呢啲明星公司，所以其實大家真係要好好留意科技嘅發展，唔好一味去到認為長揸就會發達呢個道理
就好似近日我留意到原來打機用嘅電腦亦都已經喺技術上有好大嘅突破
以前要成萬蚊先有嘅電兢電腦，依家$3000左右就有得玩，仲要外型好靚，又可以用嚟剪片，又可以用嚟打機。
呢個價錢，當年都真係勉勉強強買到一部做文書嘅電腦，外型仲要核突到爆
呢個叫Overpower 嘅電腦牌子識得運用產能過剩嘅電腦物資，用相對便宜嘅價錢買入效能超高嘅硬件去生產電兢電腦。
正式係蔗渣嘅價錢，燒鵝嘅享受
大家如果有興趣買部機玩下，不妨係下面呢條連結睇睇:
各讀者睇完我講嘅例子，仲會唔會盲目咁樣長揸科技股？
本文轉載自 ‘智慧社區 Wise Community’ Facebook 2020年6月11日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…