香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
Don’t think of the elephant
今日同大家講吓少少逆思維嘅邏輯
記得以前讀大學嘅時候，心理學教授曾經教過我哋，呢個世界真係好得意，好多嘢我哋嘅腦袋思維，同身體行為其實係相反的
佢舉一個好簡單嘅例子
佢話：「Everyone quiet for 10 seconds, let’s not think of anything for now」
之後佢話：「OK, here is my instruction, don’t think of the elephant」
當然之後我哋個個學生腦海入面都即刻有隻大笨象出現咗
呢個就係一個好好嘅例子去解釋好多日常生活弄巧反拙嘅原因
一個形式主義嘅社會，經常高舉口號，管制思想，唔准民眾做呢樣做個樣，唔準諗呢樣諗果樣。
最終只會越禁越諗，越禁越做。
等如父母叫仔女唔好去拍拖，專心讀書。
年輕人第一個反應就會答你點解唔俾我拍拖？我偏偏要去拍俾你睇
如果當權者，仲係用呢一種宗族式思維，形容自己為市民阿爸阿媽，只會弄巧成拙
反而如果父母持開放態度，不反對仔女拍拖，不過約法三章，不可以影響學業，仔女定必有所分寸，父母從旁一直勸導人生才是正確方針。
這就是華人和西方思維最大嘅分別
如果華人社會可以吸取呢一種思維模式，潛移默化，就可以正式同全世界接軌
希望當權者有一日明白呢個道理
本文轉載自 ‘智慧社區 Wise Community’ Facebook 2020年6月10日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…