香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
Tesla, SpaceX 和 Starlink（星鏈計劃）
大家如果有留意美國股票的話，一定會知道Tesla 嘅股價係當今表現最好嘅股票之一。
不過大多數嘅人都只係停留喺汽車生產商嘅印象去了解Tesla，而唔知道Tesla嘅主要業務仲有大數據嘅收集同買賣，鋰電池嘅開發，太陽能板開發，超高速地底浮磁火車同埋SpaceX商業火箭發射服務等等。
今次想同大家分享嘅就係Elon Musk SpaceX嘅一個顛覆性計劃，叫做Starlink (星鏈計畫)
喺4月22號，獵鷹9號(Falcon 9) 成功將第七批合共60顆衛星成功送上太空。
連同埋之前六批火箭，合共已經成功發射422顆
Starlink係運用41927個人造衛星，全方位覆蓋地球，為每一個角落提供直接提供1GB/秒嘅網絡傳輸服務。
相比起5G 技術嘅10GB/秒，大家可能會覺得好似慢咗，好似無乜必要用Starlink service
但係唔好忘記一點, 基建成本係5G發展嘅一大障礙。
挖地，鋪設光纖線，基站等等嘅設施一d都唔平。對某d國家可能根本支付唔起。
又或者對某d地區嘅基建鋪設根本技術上不可行。
呢d地方或國家正正就係Starlink 計畫嘅目標客戶。
另一方面，軍事信息，航空，航運都係對嘅種無障礙高速通信有極大需求
其實呢種技術，SpaceX並唔係第一個發明。
當年Motorola 有個叫Iridium Satellite 計畫係最先開發呢個衛星網絡概念，不過成本太貴，失敗收場
另一個就係孫正義嘅SoftBank 投資叫做OneWeb，喺剛剛3月份亦都宣告資金鍵斷裂申請破產
點解Starlink 成功？就係因為Elon Musk 成功將火箭發射成本大大壓縮，同埋大大降底咗每顆衛星嘅重量
以前最平嘅中國發射衛星成本都要US$10000/KG
SpaceX宜家發射成本係US$1400/KG。
按每公斤計平咗超過80%
而Starlink 衛星重量每隻只有250KG
衛星每隻成本係US$350,000，火箭成本除返開係US$1,000,000
即係每隻射上太空係係$135萬美金
即係射哂41927隻衛星成本只需要566億美金 (約$4415億港幣)
明日大嶼嘅造價估值係$6240億港幣，咁你話SpaceX嘅成本係咪平到爆, 一個島嘅造價已經可以覆蓋全球。
直至2019年，全球中低軌跡衛星數量只有2000多個，SpaceX 一次過計畫要射41927過上去，你都咪話唔勁
難怪全球首富Amazon嘅Jeff Bezos 都參考Starlink，推出Project Kuiper，打算用類似嘅佈局去建立一個3236顆衛星網絡。
Elon Musk曾經喺Twitter出PO鬧Jeff Bezos係『Copy Cat』
Amazon衛星專案的單顆衛星造價約 $100 萬美金，未計火箭，你估下到最後邊個會跑出？
第時我哋嘅下一代同抬頭望上去夜空，見到衛星仲多過見到星星
本文轉載自 ‘智慧社區 Wise Community’ Facebook 2020年5月6日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…