香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
用Smart Contract 除老闆件衫比返自己著
“明天會更好？老細，我今天過唔到啊！”
呢句係工程界成日都發生嘅對白，不過多數敢怒不敢言。
因為三沙追二判錢，或者二判追大判錢嘅時候
往往上家莊會同你講: “陳仔，你唔好追我啦，呢單嘢大家都輸，你都知我輸好多。嗱，我啱啱中咗單大嘢，呢單好好做，實賺得返！我哋下單努力啲搞啦”
作為下家莊，又要喺上家莊門口搵食，無得反抗
無論人類喺發展工程合約期間點樣改善，甚至加入罰則機制或要求購入保證金嘅bond, 下層被搵笨嘅呢個情況其實自古以來都無變過。
但係自從smart contract 嘅機制出現之後，我相信喺合約執行嘅fundamental 層面上會有顛覆性的改變
因為以前要execute 罰則或者要充公保證金的bond，必須要經過好多人批准先可以執行。
亦因為人為因素影響，通常罰則都無辦法有效執行
但唔使好耐，我相信會出現甲乙雙方使用smart contract 去簽約，罰則和保證金都係捆綁喺智能合約上。
大大減少人為因素去影響合約罰則嘅執行
下家莊付出咗嘅勞力和投入唔會再擔心變為老闆嘅名車和靚衫，因為smart contract 會直接除咗老闆件靚衫去變返錢去支付你的報酬
同時下家莊亦都可以唔使再擔心跟邊個老闆搵食，因為就算再臭名遠播嘅老闆，都冇能力阻止智能合約的執行
當然，智能合約撰寫的時候亦都必須要保障老闆對下家莊交貨的時間和質量的要求，這樣便可以產生一個正面的互動。
所以作為律師，Auditor, 或者QS嘅行家要更快理解點樣運用smart contract先可以喺未來佔一席位
其實智能合約仲可以應用喺大量嘅IOT 物聯網產品上，不過留返下次先分享
我期待見到各行業持份者早日去學習區塊鏈的應用
本文轉載自 ‘智慧社區 Wise Community’ Facebook 2020年5月1日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…