香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
喝原油的千年蟲 - Y2.2K Bug 與 WTI Crude Oil
Y2K 嘅恐懼，千禧後嘅年輕人理應無緣感受到嗰種恐慌。
點知原來，一日人唔死，一日都有新聞， never say never
當年千禧年來臨，人類嘅analogue 同 digital系統第一次踏入2000年呢個未知領域
因為無論analogue 同 digital都係 19xx年嘅產物， 當時盛傳有部份嘅生產商同從業者喺設計產品同服務都只會考慮到年份上限係1999， 所以一但進入2000年嘅話，系統就自然會有bug引起災難性嘅崩潰
估唔到20年後，喺2020年4月20日(13:56 UTC-4)呢一刻，當WTI油價跌穿USD0.00呢一刻開始， 全球人類即時見証Y2.2K 嘅發生
當時喺油價跌到落去$0.5 至 $0.0期間，無數金融賭徒大手買入Call Option，甚至大手槓桿， 諗住實食無黐牙，點都可以大賺一筆，幫補下之前大跌市嘅損失。
據市場消息講，$0.5至$0.0其間，全球有大約100萬份Call Option產生咗， 價值$20億美金
當時各持份者飲住紅酒，諗緊自己賺咗筆錢之後點用
我嘗試下分析佢哋當時唔同價位嘅心情
$0.5 to $0.0 - 勝利者姿態飲紅酒，人人等割韭菜
-$0.1 to - $1.0 - 花生友飲紅酒見証大時代發生
-$1.0 to -$5.0 - 花生友放低杯紅酒同自己講 "幻覺嚟嘅，呃我唔到嘅"
-$5.0-$10.0 - 所有花生友恐慌地衝埋電腦打算止蝕。
不過好可惜，全球嘅花生友嘅命運已經註定坐埋同一條船.
呢一刻佢地發現用開嘅電腦交易系統係無得落負數嘅銀碼交易， 頓時嚇到無所適從
之後嘅畫面，就有如西方荷李活電影嘅戰爭片一樣，單方面大屠殺， 連人踩人嘅選項都無，因為所有人已經坐咗喺一隻無裝磨打嘅船上面等死
-$10.0 to - $37.63 – 所有賭家將自己屋企部電腦打爆，電話打爆，將所有野掃晒落地，之後嘅發展。。。你自己幻想吓
金仔嘅心臟病病發原因，我診斷為炒爆期油而引發嘅急性心臟病 （當然係純屬猜測）
當初炒期油其實無錯，趁低吸納都無錯，最錯係你點解唔用"芝加哥商品交易所"嘅平台去買
點解咁講？ 因為佢個交易平台喺4月8號 update咗，可以做負數交易。
至於點解人地有先見之明update系統？
大家咪天真d咁諗，人哋嘅工程師叻d囉。
樣樣都有陰某論嘅話，做人好辛苦架
不過，你知唔知用芝加哥商品交易所平台嗰位人兄用咗幾錢去將嗰一百萬張價值$20億美元嘅Call Option打靶？
係一個你同我都拎得出嘅金額 - $8000美金
兩張總值$8000美金嘅成交合約就將全球所有花生友殺晒
你可能問，搞咁多嘢為咗20億咁少錢？
大家抽返遠d睇，油價係由$20開始落，條數我真係唔識計
所以事實話比我哋聽，千年蟲係千真萬確嘅一件事，只不過原來佢係鐘意飲原油，唔鐘意食月曆。
唔知千年蟲下一個目標係食邊樣嘢呢？
本文轉載自 智慧社區 Facebook 2020年4月22日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…