香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
分享一下Blockchain 1.0
近年來區塊鏈(Blockchain)的發展一日千里，應用方式日新月異
雖然區塊鏈技術已經面世咗12年，但係普羅大眾對區塊鏈嘅認識相信普遍都唔多。
大部份人都仲係停留喺以下嘅諗法：
-區塊鏈咪即係電腦拆解一堆密碼囉
-區塊鏈咪係虛擬貨幣囉
-區塊鏈世界咪好似『幣少』咁周圍呃人囉
其實正如我哋社區嘅主張一般，區塊鏈同虛擬貨幣需要一定程度嘅知識先唔會人云亦云咁比人呃。
今日首先同大家分享一下Blockchain 1.0
其實第一代區塊鏈 (Blockchain 1.0) 技術其實就係簡單地透過分散式記賬 (Decentralize Ledger)功能，由大量電腦實時地對記錄同對賬。
正正係因為全球大量電腦分散地實時對賬，對單一地點或單一電腦進行黑客行為或做假賬變得不可能，因為其他的電腦會指出賬目並不正常而拒絕承認該筆款項的記錄。所以應運而生嘅就係虛擬貨幣嘅出現。
因為貨幣背後本質就係記賬，記賬的內容包括記錄某人（或機構）和某人（或機構）之簡在特定日子和時間同意利用指定媒介（即各種貨幣甚至係古代嘅貝殼）進行交易
而交易媒介即貨幣本身，理應由交易雙方同意該價值和數量下進行，即市面上的印銀紙數量。
多年來記賬責任落喺各國政府及銀行身上，但因為機構會因應利益或其他因素去自行演繹甚至修改賬目，亦因為過去無科技技術可以倚賴，人類只能繼續信任呢個唔健全嘅系統制度，銀行可以進行無上限印銀紙去解決政治上的危機。(大家已經喺2020年親眼見證咗）
由於Blockchain嘅出現，記賬工作交由全球嘅參與電腦共同管理，而電腦運作本身則牽涉到成本(機價，電費，網絡費，維護費等），所以呢套系統就加入咗獎勵計畫，就係比特幣。
比特幣嘅價值就係直接由市場去決定，發幣數量由第一天面世時已經設定咗上限為2100萬個，亦無法更改。比起黃金的稀缺度更加透明。
但大家都會問，點解一樣咁透明嘅工具會出現每日大幅度嘅波動。我認為最主要係因為普及程度太低。就算貝殼，黃金，港元，或美元都曾經出現過大幅波動直至經過特定歷史事件開始被大家認同接受。正等於我今日拎委奈瑞拉幣比你，你都會唔收一樣。
2020年就係特定歷史事件令到世界開始疑問現有體系出咗咩野問題，從而開始邁向接受一個全新及健全嘅系統
延伸閱讀：比特幣可能成為「避險資產」嗎？從70 年代美國「拋棄黃金」的歷史探討
https://www.blocktempo.com/is-bitcoin-a-new-safe-haven-asset/
本文轉載自 智慧社區 Facebook 2020年4月12日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…